今日係清明＋復活節五天假期的第一天，黎緊的五日假期，太陽哥哥只會星期六日楂車，會放三日假陪下我同休息下！今日第一日假期，主要係太陽哥哥休息日，佢呢排公司日日做到成十一二點，凌晨一點都試過，佢係極度嚴重缺乏睡眠囉！所以今朝雖然我九點幾已起左身，但我特登唔叫醒佢，由佢訓到自然醒，因為我覺得放假訓到自然醒，絕對係一件好幸福既事；尤其對佢平時一星期工作七天既人，相信係非常難得，加上今日我地主要節目只係夜晚回太陽家食飯！
太陽哥哥一訓就訓到十二點半，起左身一陣，到兩點再訓到五點，勁！夜晚我地返太陽家食飯，太陽哥哥呢排日日要OT返唔到黎食飯，我都好耐冇見太陽爸媽啦！因為明早太陽哥哥係樓下交車，今晚我地會係度訓；飯後利用套好憎既秋香怒點唐伯虎時段，去左搵表姐拎野，順便見下諾諾！我地一入屋，諾諾就叫恩恩同Sunny哥哥啦，真係乖仔！跟住我同表姐去左廁所拎野，表姐夫去左上網，我攪完一輪後出廳，見諾諾同太陽哥哥原來都玩得好開心！
諾諾的小型廚房，食物要用泥膠整架！
諾諾又要幫恩恩影相，又影到幾正中喎！
不過今日好難叫到諾諾企定定同我影返張合照呀！
呢ｄ就係表姐比我既野喇，佢比晒雪花秀ｄ試用裝我用呀，表姐真錫我，真係多謝晒！
沒有留言:
張貼留言