.gif)
表姐今晚要去開家長會，想搵人幫手湊諾諾，我梗係義不容辭啦，所以就返唔到PT喇；又因為怕諾諾一時間冇左媽媽係身邊唔慣，最後決定我下午都放埋假，咁諾諾一路同我玩緊，就唔怕夜晚突然冇左媽媽啦！
我地計劃左去赤柱架，行街買ＢＢ衫同去沙灘玩沙；點知中午時候突然落起超級大雨，真係好大好大雨呀，ｄ雨係打橫咁吹埋黎架，攪到我仲遲左少少放工添，唔係肯定連底底都濕埋！
因為落雨，去赤柱既計劃就要取消，真係勁down！表姐係大圍接左我後，返左青衣搵埋媽咪飲茶．．．
諾諾有車車玩，叫佢影相笑，佢就淨係笑囉，但唔望鏡頭；一係就望鏡頭但專登合埋眼，真係比佢激死！
我地hea住咁食野，飲完茶都四點啦；我地又hea住咁諗下去邊好，因為表姐六點先開家長會；係商場度，媽咪示範佢把好勁既遮，諾諾睇到變左"倒及牙"！
諾諾今日著左新買兼好型既水鞋：
玩左陣blue car：
諾諾一路楂住張紙，唔捨得放低．．．
仲好小心咁袋起去．．．唔知張紙係咩黎呢？
咪就係恩恩同諾諾係酒樓時一齊畫既畫囉！大家估唔估到左上同右下個兩隻係咩黎呢？左上其實我想畫dinosaur架，不過諾諾講左crocodile！ 
而右下個隻就係dolphin！
最後我地去左九龍塘三角公園，成日有明星拍戲個度呀，我帶左ｄ吹泡泡比諾諾玩，宜家去唔成沙灘，就去公園玩啦！
我負責影相、舅婆負責楂住泡泡個樽、表姐就負責．．．坐埋一邊休息啦！
諾諾吹泡泡個樣真係超級爆笑，又肉緊又激動，兩邊腮都脹卜卜！
嘩～～呢條係口水定泡泡水黎架？？
諾諾除左表情肉緊激動外，連手仔都好緊張！
玩到好開心，仲好大聲咁格格大笑＋成日講"濕晒啦"！
之後表姐去開家長會，我地就同諾諾去左又一城Toysrus玩；臨落車時，表姐同諾諾講：媽媽去泊車，恩恩同舅婆帶諾諾去Toysrus先，媽媽泊好車黎搵諾諾，好唔好呀？諾諾聽得明咁講好，仲應承媽媽要乖！
我地係Toysrus玩左個半鐘，呢度咁細都玩到咁耐，真係估唔到！諾諾玩過咩我大部份都影低晒架，方便比表姐睇麻！哈哈～～
玩 Elmo：
玩彈琴：
玩滑梯：
玩橡皮鹿：
玩呼拉圈：
玩打機：
呢款電子遊戲機都幾得意，當然係勁低Ｂ啦，但諾諾真係玩得好開心，見佢笑得咁開心就知！
玩ＡＢＣ：
玩打鼓＋彈結他：
諾諾每玩緊鼓／結他時，佢總會比另外個樣我，要我一齊玩，停一陣都唔得架！
我唔想諾諾踎起度玩咁辛苦，就搵左個無人既角落，仲搵左張櫈仔比諾諾坐住黎玩！
唔知點解，諾諾一坐係張櫈仔度就梗係要將對腳放埋係個橙色玩具上面，咁就對手一邊打鼓，腳就一邊踩下踩下！
之後我實在頂唔順啦，因為我已彈結他彈左廿分鐘都有．．．唯有隊比媽咪同諾諾玩！哈哈～～
媽咪彈左幾分鐘就覺得好悶啦，仲話打比琪琪叫佢快ｄ黎頂更！不過諾諾都冇放過我．．．佢一聽到我停左無打鼓，就會叫：恩恩打鼓．．．
玩轉轉ＡＢＣ：
玩推史迪仔行街街：
玩餵ＢＢ飲奶＋推ＢＢ行街街：
等琪琪黎到，我地就去左rice paper 搵位，等表姐同表姐夫！
琪琪知道會見諾諾，買左個Thomas車車比諾諾，諾諾錫琪琪以示多謝！
諾諾同琪琪今晚好friend，成日一齊玩兼一齊研究 Thomas！
因為表姐個家長會over run，我地先叫野食比諾諾；我地就等埋表姐先食野！期間，諾諾扮太陽哥哥同轉筆：
我地五個大人，叫左個六人餐，最後梗係食唔晒啦！
個甜品真係好正，諾諾都食到 lam lam 脷！
琪琪今日仲送左件衫比我，我梗鐘意啦！Thanks my beloved sister！
返到屋企十一點幾，今日真係好攰呀，仲攰過平時返工，不過，開心過返工好多倍囉！
沒有留言:
張貼留言