今日又係Happy Friday，加上今個week只係返三日工，相信大家都覺得好快過同好開心啦！放工後同太陽哥哥去左旺角，先去譚仔醫肚，好耐冇食啦！最大發現係譚仔開左間新鋪係豉油街附近，係正旺角旺區，以後唔洗再行去太子先食到；但最攪笑就係，細妹同我講其實開左成大半年囉．．．囧！
呢張相大家係咪以為影太陽哥哥呢？唔係呀．．．我係影佢身後個男仔～～有冇咩特別野見到呢？
嘩，佢條底底同面褲有．．．保護色呀！
我仲同太陽哥哥研究，呢款底底應該唔係普通底底，因為布的質地同平常見的不同；唔．．．應該係好大塊布既底底！
今日我地行左好多個地方，又潮流特區又瓊華又信和，我亦買左兩件衫；星星個件非常鐘意，圓圈個件就一般鐘意，見唔太貴就買埋；我覺得個圖案好似太陽呀，不過太陽哥哥話似標杷多ｄ喎，叫我小心比人射！哈哈～～
sales姐姐仲送左條勁yeah既鎖鏈比我！
沒有留言:
張貼留言