.gif)
近排都少左時間睇戲，有機會睇都揀睇新片；今日咁岩又得閒又無咩新片岩，睇左新上畫已經想睇但一路未有機會睇既『歲月神偷』！
『歲月神偷』真的唔錯，有笑有淚；掛風球個場戲睇到我心驚膽顫，仲以為任達華會跌落街，好驚好驚．．．北京醫病，大佬教細佬踩牆學跨欄，個種血脈之情好入心．．．好嚮往以前既人食飯係圍埋一齊咁開心，大家一路食飯一路傾計嘻嘻哈哈，好羨慕呀！相反呢個科技年代，人與人之間的疏離，同戲入面真係一個強烈對比！宜家ｄ人係一路食飯一路睇電視，一係就飯後怱怱回房上網等等，唔花時間溝通，交流．．．唉～
唔知點解，之前總覺得『月滿軒尼斯』同『歲月神偷』既風味係差唔多；但相比起月滿軒尼斯，歲月神偷真係好睇好多倍，慶幸能係落畫前睇到呢套好戲！
睇完戲太陽哥哥話想返屋企食芝士公仔麵，點知返到屋企見到外賣KFC，花心既佢又改變主意，最後我地就食KFC做晚餐喇，好耐無食KFC，所以覺得好好味呀！
沒有留言:
張貼留言