今個長假期有兩個節日，太陽哥哥畫左兩幅畫比我；第一幅係兒童節，太陽哥哥寫左B. B. Day！
第二幅係復活節，呢幅太陽哥哥畫左個幾鐘呀，我見佢花左好多時間畫ｄ雞蛋殼！
我自己就較鐘意ＢＢ個張，因為可愛ｄ，加上太陽哥哥第一次畫ＢＢstyle！哈哈～～
呢個假期亦砌左生日時Yammy送比我的chip n dale 立體小砌圖：
成廿年冇玩過砌圖啦，宜家ｄ砌圖有好多裝備，連個盒都做到放到製成品既size，咁砌完就唔怕周圍擺會鋪塵啦！
原來宜家ｄ砌圖每塊後面都有個編號，方便唔見左時可配返，我真係大鄉里喇！
我記得細細個時好鐘意砌砌圖架，爸爸媽媽仲話我砌得好快添；呢個立體砌圖只得六十塊，實在太簡單喇，我十分鐘就砌完啦！立體砌圖我第一次玩，開頭諗住砌圖軟林林，實好易塌啦．．．點知呢種砌圖好堅硬好實淨架，雖有弧度，但都好貼邊，砌完兩個半心形外殼後，再將佢地同心形框合體就攪掂喇！
玩完呢個立體砌圖後覺得好好玩架，有點上癮，下次行街要行下puzzle shops先得！
沒有留言:
張貼留言