呢張相係咪好靚呢？係威哥用琪琪部大機影架，呢個前清後濛既設定真係唔錯！呢度係大嶼山觀音廟，我地今日黎拜公公！
出發前先去麥記食野，我之前話覺得近期隻漢堡神偷公仔好得意好想換，我地未行到黎媽咪已經換定三隻啦，佢話一人一隻喎！
細妹話呢期好多人鐘意拎住隻公仔影相，我地今日都試下先！搭地鐵出發去東涌～～
漢堡神偷飛落黎同琪琪咀咀～～
我個隻漢堡神偷就即刻掛左係手袋，真係多謝媽咪！
係東涌搭的士去大嶼山觀音廟，到中途勁大霧，完全望唔到前面，好似無路咁，去左仙境咁呀！
落返山好ｄ喇，仲見到大海啦！
路邊真係勁多牛，唔怪之有個牛標誌！
經過石壁監獄～～
的士會等我地半個鐘，時間有限，我地快快攪好ｄ鮮花就同公公 say HI！
拜完公公就到出面影相，每次上到黎都覺得呢度風景好靚，可惜今日能見度好低！
竟然有人偷吉食．．．
不過咁偷食法都係第一次見．．．囧！
對住咁大座咁宏偉既觀音廟，忍唔住要耍返兩手，咁先襯呢個環境麻！
但實在忍唔住笑．．．
忍得好辛苦．．．
想跳但跳唔起呀！
到細妹紮返個靚馬先～～媽咪仲係後面偷笑+ing呀！
威哥都有返一兩度散手喎！
不過呢張．．．down晒grade囉，即刻去左幼兒班 level！
我終於跳到啦，我跳時仲好有氣勢架，"哈"一聲咁嗌住跳起架！不過出黎效果好樣衰囉，不過又好爆笑，攪到佢地係度狂笑，話好怒髮衝冠 feel 呀！
雖然樣衰ｄ，但氹到家人開心有咩所謂丫，當得啖笑啦！
跟住威哥同琪琪表演『帶馬歸糟』，有睇鐵馬尋橋就實識架啦！兩隻野又要扮野但又忍唔住笑，真係好攪笑呀！
我同細妹研究緊尾二個層個『藏經閣』究竟係咪堅既．．．
醒招『徐子珊上身』比大家嘆下先，係咪飽到即刻想嘔呢？咁即係扮得好似啦！
跟住威哥 solo time，我地叫佢扮大隻佬 model！唔准笑呀，認真ｄ～～
係喇，岩喇，但個胸唔夠挺，挺ｄ，頂出去～～
Yes！Exactly！兩張差幾遠～～
以下係其餘相片，忍唔住笑個ｄ真係好爆笑囉！
我地玩到過晒時，過左三十分鐘都唔知，攪到的士叔叔落車黎搵我地，幾唔好意思呀！難得今日咁好玩，真係好想繼續玩落去架，唯有等下年啦～～
沒有留言:
張貼留言