今日要去拎花球啦，我先同好姊妹elsa早少少出黎，行下街先，跟住過金都，等埋太陽哥哥時間岩岩好；跟住等到七點，約左碌齡朋友係青葉食日本放題，補祝返我二月生日喎，四月都黎緊，真係遲到爆．．．
我好鐘意個花球呀，勁鐘意，勁滿意！鐘意到正日都會用返佢，本身自己唔鐘意大紅大紫既顏色，都唔知點解，反而鐘意清新ｄ簡約ｄ既，但諗返應該係喜好問題啦，因為我之前揀婚紗晚裝影相，我又係唔鐘意大紅大紫，尤其是深色架，哈哈！
今日同elsa行街仲一人買了一個新手袋，我開頭嫌貴唔買，我鐘意個個貴ｄ，佢鐘意個個就平ｄ既，大約平我個個三分一啦，同埋我知佢買唔買都冇所謂既，但個傻妹見我鐘意，竟然走去幫我講價，雖然最後只係平左十蚊，但個傻妹竟然話將total 除二，咁我咪平多ｄ囉！但除二的話，佢個袋係比原價仲貴左架，佢話冇所謂啦，最緊要我平到！邊有人咁傻架，不過咁既好姊妹您話去邊到搵呢？最後我當然冇咁做啦，點可以要人蝕底，仲要係好朋友呢！不過佢既行為，真係令我好感動呀！
我的：
elsa的：
BABY招紙，即刻諗起太陽哥哥，因為佢係我BABY麻，哈哈！特登留返黎送比佢架，佢見到笑笑口呢！
我地仲買左．．．大家估下咩黎？
咁大隻字，無理由睇唔到啦，哈哈！十蚊兩支，只係五蚊支，好抵呀！見個伯伯示範得又快又方便咁，咪買支返去試下，因為平時我唔食提子架，點解？就係因為有皮，要我呢個懶人剝，我會揀唔食囉，哈哈！
夜晚去左兆萬青葉，其實上年我生日同中大同事黎過慶祝架，不過今次我地十幾人，好難傾計，相隔太遠了！大家只管食食食，同埋唔知做咩，竟然黎左五六架魚生船，仲有十幾碗麵．．．我唔好魚生，成檯都係，見到都冇胃口，仲有好多我好抗拒既魚肉放係我面前．．．但因為咁，侍應半投訴我地未食晒，但入面有好多我地既order，要我地揀唔出定取消．．．攪到有好多我想食既熟食都食唔到呀！雖然後尾取消晒從新剔過，但唔知點解，熟食個ｄ又咁唔準確，叫完又冇黎，唉．．．剔左兩次都係咁，後尾都等到唔想食了，同埋都夠鐘喇！
成檯都係魚生船同手卷，場面震撼，冇晒位放，有兩架魚生船仲要放係後面個餐具檯上面，等我地清咁ｄ先上到．．．您話咁仲點叫其他野食呢？
一共有十三人，仲要放ＢＢ車，好長好長的檯！
每個組合影返張相先：
呢個組合最攪笑，攪到PY好似強搶呀健咁，哈哈！
大合照，都唔知較咩MODE好，後面太黑，但地方太窄，要影晒咁多人都冇咩辦法！
我同子元Ｂ的遊戲時間：
呢張笑到見到牙仔呢！
CW雖然冇黎，但托休交了禮物給我，真有心！
個小膠袋好熟口面，回家後跟佢MSN，發覺呢個小膠袋，原來係上年我地送佢日本迪士尼手信時既個個膠袋！一年幾後的今日，竟然轉返係我手上！我仲講笑話我都要儲起去，到送野比佢時又傳返比佢，咁呢個膠袋就好多意義喇，哈哈！最重要係配合環保，電視廣告都有講，膠袋要重用重用再重用丫麻！哈哈！
之前CW同我提過係佢一個人係淡水行街時買的，所以呢份禮物係搭過飛機架，來路野呢！
同CW唔係成日見，但好 impressed 佢留意到我用摺機，真係好surprised！好襯本身的電話繩同wallpaper呢，Thank you soooooooooo much！
呢個星期天氣好差大家都知啦，又落雨又潮濕，令我都擔心下星期的天氣，但上天好眷顧我咁，呢兩天發現天文台的七天天氣預測，好邪地七格入面，有一格係見到半個太陽架.gif)
沒有留言:
張貼留言