.gif)
今日做左件幾有意義既事，就係幫kammy拎ｄ舊衫去回收；原本都約左太陽哥哥係銅鑼灣等，但既然有時間，不如早ｄ過銅鑼灣幫kammy手啦！
今日好熱呀，銅鑼灣又多人，拎住呢幾袋衫行左幾條街都辛苦架；不過咁有意義，又陪到朋友，我都覺得值得呀！
拎住幾袋衫出晒汗，我地就去左宜家傢俬行下同嘆冷氣啦！
跟住約左太陽哥哥係sogo等，見到jumbo size野喎．．．
其實尋日同elsa已黎過，不過冇影相，所以今日補返，兼拎左兩支試用裝，哈哈！
醫肚時間，太陽哥哥想食清亭燕萍，雖然尋日我同elsa食過，但都冇所謂啦，因為主要係太陽哥哥食啫！
生熟牛肉河(大)，尋日我都叫呢個河呀，仲覺得ｄ牛腩好好味；冇同太陽哥哥講過佢竟然又叫，我地真係夾啦，哈哈！
尋日食過札肉卷好味，今日試下烤豬肉蝦卷，覺得仲好味呀，配埋個特別醬汁仲正，我應該下次都會再食呢！
之後慢慢散步過灣仔，因為今晚約左成龍大哥，哈哈！
其實黎係睇"新宿事件"首映，由於不設劃位，想早ｄ到；點知我地去到都可能算晏啦，因為大哥同吳彥祖已入左埸，都仲見到少少明星既，包括淨係影到少少既林建岳、劉丹、徐嬌、俞琤、楊受成等．．．
入場啦，太陽哥哥最興奮！
點知上到黎要等架．．．又去唔到前面睇ｄ明星喎，慘！
開映前半個小時，終於入場啦～～
第一次黎會展睇戲，呢個場唔大，我地揀左第五行坐；仲以為會同埋ｄ明星一齊睇，點知都唔係既．．．
因為唔知個hall影唔影得相，唔敢落閃燈，變成好黑的自拍，睇太陽哥哥開心到丫！
開場啦，我以為好似平時戲院咁熄燈跟住播片，點知有人行出黎講野，仲係電影節個咩咩負責人！
跟住最意想不到係．．．電影中原班人馬出場！！！
仲逐個逐個講感想，大哥仲多謝我地，因為我地係買飛入場睇戲！
跟住就開場，唔知佢地之後係係第二個hall睇定係走人呢？
原來新宿事件係三級架，只限幾日電視節，四月二日上個時已係係IIB；呢套戲我覺得其實真係好唔錯，好好睇，主要原因應該係因為爾東陞係導演而唔係大哥吧，哈哈！爾東陞資料搜集左三年先拍呢部戲，好認真，變相內容好寫實，開場前仲記得佢講過希望觀眾睇完會反思。
講內容，套戲絕對信心保證，不過我睇完幾 heavy，記得睇完色戒時都有呢種感覺，但今次勁ｄ，可能同生活更近距離；片中講到黑市人點係第二個城市求生，真係好慘，成功過，但因貪念無法堅持意念，搞垮一切，最後全部死晒，好慘，慘到我都喊．．．貪念，本身係人的慾望，錢財、勢力，的確沒法擋；相比下，手足情早已拋諸腦後；越窮、越貪心、越易動搖、越想得到更多．．．
吳彥祖慘ｄ，本身最純，亦唔貪心，只求一架栗子車為生過平淡生活，但冇左隻手後，失去自尊及一切，就行上了歪路．．．
大哥係一個好人，但一個人，幾有意念，幾有堅持，單單憑自己一個力量係唔夠既，情況去到收拾唔到既地步，唔逞強反而有生路可走．．．其他人已經違背晒您，義氣仲重要嗎？
懷著沉重的心情，離場時見到楊老闆的車子：
沒有留言:
張貼留言