前陣子，收到威哥的SMS：
1)從前有個麵包，佢行街行到好肚餓，於是就食左自己．．．哈哈哈哈
2)從前有粒軟糖，佢行街行到好攰，跟住佢就話：我對腳好軟喇．．．哈哈哈哈
3)從前有兩舊年糕，佢地黐得好實，一直都想分開對方；有一日終於有人將佢地切開左，於是佢地好開心好興奮咁GIVE ME FIVE，"啪"一聲，佢地又黐返埋喇．．．哈哈哈哈
4)從前有一支火柴，佢中午係街度行緊，係太陽晒住下，覺得個頭好熱好痕，於是佢就Ｒ頭，跟住佢個頭就著左火．．．哈哈哈哈
5)支火柴跟住被送左去醫院，醫生幫佢包紮，包完之後，佢就變左做棉花棒喇．．．哈哈哈哈
6)從前有個傻仔，睇完呢個message之後會覺得好無聊，但係自己又係度微笑緊．．．於是佢決定send比朋友，只求搏佢一笑！
看罷全是爛 gag，但奈何我卻做了最尾個個"微笑"行為，shit！
相信威哥send比我係因為大家都係同台咋，呢個SMS足足有五個訊息咁長架，如果唔係同台要收五蚊呢！想要呢個訊息而又係數碼通既朋友，就話我知等我send比您啦，哈哈！
沒有留言:
張貼留言