2009-03-10 (Tue) 女仔版諾諾

諾諾變左做女仔呀！！點解會咁架？？

今日因為我放假，所以又約左姑媽表姐加諾諾飲茶，唔夠一個禮拜，我地又見面啦！可能無野好玩，我就用髮夾夾起諾諾ｄ頭髮，嘻嘻~~

先睇諾諾變身前先，都好似男仔ＢＢ樣啫：

諾諾變身後（我先用自己個髮夾）：

兩個一樣表情既樣，但加左髮夾後，似女仔ＢＢ好多呀，好好笑！

跟住表姐借佢個勁cutie既髮夾比我，點知一用呢個，十足十一個女仔ＢＢ樣！諾諾傻更更都唔知咩事，叫佢擺咩甫士都好聽話，做出左好多唔同既表情，仲會hold住比您影，個樣好鬼嗲，勁可愛！

豬仔包係近期大熱動作！

睇下我同諾諾幾 friend！

同媽媽互 kiss：

玩我支矮瓜筆，當支筆係鑊鏟咁炒到ｄ字母成檯都係，哈哈！

我講"嘩．．．"，諾諾又跟住講"嘩．．．"，好攪笑，好好玩！

跟住諾諾當個瓜葉部份係筆芯，倒轉支筆黎寫，仲寫得好認真呢！

甜品豆腐花好精緻，賣相好靚咁喎！

諾諾都有食呀，問佢仲食唔食，佢識點頭架！

我的灌湯餃：

諾諾食 banana 呀，今次仲係佢第一次自己楂住食呢！

第一次自己楂住 banana，感覺好奇又新鮮！

但一食完就好美味咁望住 banana，梗係好好味頂啦！

自己食到好開心，好叻叻！仲請媽媽食添！

我同諾諾自拍：

影完要比諾諾check下收唔收貨架，唔係佢又 e e de de 表示要比佢睇架啦，哈哈！

表姐偷影的，影得我同諾諾都好開心，呢張相個effect都好型呢，最重要係諾諾搭住我膊頭，好 friend 呀！

今日都不忘幫媽咪同諾諾影返張相！

呢兩個星期因為有假放下，先可以同諾諾見得咁密，真係過得開心；原來唔洗返工，每日飲下茶、吹下水、聽下ｄ八掛野係咁舒服既生活，時間仲過得好快，都唔係幾夠喉咁就夠鐘要走；呢種生活日日咁過都唔錯喎，真係令我好羨慕，哈哈！