今日好開心呀，睇到我最鐘意既歌手的演唱會，講真，如果有得揀，我鐘意 FISH 多過華仔架！
其實好後期先知 FISH 有演唱會，我知時已係三月頭，原來係二月頭開始賣飛架啦，連成日聽收音機同睇電視既太陽哥哥都唔知；當我知道時當然已太遲啦，靚位早已售罄，唯有上雅虎拍賣睇，點知．．．好貴呀；首先，最前的位係五百一張，比起平時四百貴了一百，買兩張都要一千大元了！其次係 FISH 開三面台，普通的五百位其實都好後，睇floor plan知道地面仲有好多加行，1st row之前仲有AA-AL, BB-BF等，呢ｄ加行，比原價貴多50%-80%，如果要千幾二千蚊，對我黎講實在太貴了；幾日前試過打去賣家度問，但都係企得好硬，所以我諗住之前個日先再打去，應該會平ｄ，一心抱住睇天意啦既心態！
點知尋晚太夜返到屋企冇打到，又驚賣家可能都睇緊演唱會，到今朝十二點先打，當時好似得返兩個賣家咋，我就打比其中一個叫david既，傾左好耐，最終以$1300成交，係全場BB第二行，不過係旁邊既section，唔係對正，但實握到手，所以最後都 deal左！
點解我咁想睇，因為今天情人節係巡迴演唱，我上年十月時睇過台灣第一站的dvd，睇完覺得好好睇！
係地下入閘，好威水呀！今次係 FISH 第二次既香港演唱會，有幸兩年前她第一次的香港演唱會我都有去睇，又係BROWN GATE，又係加行，又係係呢度入場，所以今日的感覺真係難忘！（上次的演唱會可click here）
雖然係旁邊的section，但比我想像中好，真係第二行，好近好前呀！
BOMB一聲，係漫天紙碎下，FISH係一個好大既禮物盒中升起！
雖然坐係旁邊既section，但 FISH 經常係台度行黎行去，所以無論對住台的左中右，都能目睹佢係好近好近的位置！
我好喜歡的"會呼吸的痛"，第一次聽係睇今天情人節台灣演唱會既DVD！
發覺 FISH 的演唱會入面，平飛位置一樣好多人有瑩光捧，仲係跟山腳朋友一樣，會係咁搖搖搖，非常投入；呢個場面我好驚訝，平時香港其他歌手既演唱會，山頂既觀眾多數都冇咩互動，坐咁高亦好少預備瑩光捧，好難得 FISH 的演唱會入面，連山頂既觀眾都係咁投入，原來 FISH 係咁受歡迎既！
呢PART係我最鐘意既部份，因為有架小火車，呢架小火車係台灣既演唱會我已經見過，仲係繞住小巨蛋一周咁行，FISH就可同四周的觀眾握手，但礙於紅館安全問題，軌道只係好短程咋！
小火車突然係右邊側台升起，全場觀眾都好驚喜，我覺得上面fixed seating第一行既觀察最SO呀，佢地可以同 FISH 握到好多次手，有呢次小火車啦，仲有 FISH 行黎行去時，好多時候都會行到去側台盡頭，真係好羨慕坐個度既觀眾呢！
坐著小火車，FISH唱出親親、暖暖等溫馨情歌；以下呢張相我好鐘意架，影到好清楚之餘，瑩幕的background又好colourful好開心咁！
見唔見到中間同右手邊有兩個人？佢地係度拉緊條繩．．．
原來架小火車係需要人手拉返佢返轉頭架，哈哈！
返轉頭後，架小火車就停泊左係呢度至完場，FISH話架小火車去過好多地方架啦，所以要放係度比大家慢慢欣賞！
FISH 的第二套衫：
其實呢次演唱會既decoration，比上一次揼本好多，中間的大瑩幕有好多動畫，仲有好多唔同既effect，有ｄ真係幾靚架，好次第一張呢個，ｄ光真係好似係入面飛出黎咁！
尋晚個場係冇嘉賓既，但今晚有呀，仲係基仔呢，佢都好受歡迎，因為佢同 FISH 有首合唱歌，當然就係唱呢首"還是好朋友"啦！
FISH 呢個造型既頭飾好靚架，係有小燈泡，發出藍藍既光，佢仲係呢個環節唱左佢好鐘意既幾首廣東歌，有BEYOND的情人、陳奕迅既天下無雙、周華健既濃情化不開！
FISH 的第四套衫，跟住唱起"孤單的北半球"，有星星有月亮，好襯呢首歌呀！
我很喜歡很喜歡的"小手拉大手"，呢part還教我地一齊跟瑩幕好似玩跳舞機咁拍手，好好玩，全場都好互動，大家都好興奮！ 唱罷勇氣、分手快樂就揮手再見．．． 隨後encore部份，FISH 換上便裝，唱出佢第一首廣東歌"原來您也唱過我的歌"！ 呢棵閃閃樹好靚架！
再唱出"愛您不是兩三天"，FISH 用盡最後既時間來回全台走了兩次，之後佢話夏天黎緊，送上最後一首歌，最後以"寧夏"作結，更煙花四起，FISH 鞠躬時仲忍唔住喊呢，我都好感動！
小火車係正我地旁邊，完場時當然要影返張合照，呢架車去過咁多地方，陪過FISH咁多場巡迴演唱會，好有紀念價值架！
散場時，見到小火車被搬運中．．．我都想做小火車，可以跟FISH返台灣，哈哈！
因賣家DAVID既關係，認識了坐係旁邊的K同Andy，佢地兩個都係男仔，其實望向觀眾席，FISH既粉絲絕對唔係女仔既天下，其實真係有好多好多男粉絲，自己一個黎又有，同另外都係粉絲既男性朋友黎又有！ K仲係連續兩晚都有睇，勁！最攪笑係佢成個房祖名咁，我地仲有傾計，因為DAVID叫我同佢相認，跟住佢握手實無死；不過我今晚握唔到手，只係掂到 FISH 既手咋，呢樣係最失望既，因為尋晚有歌迷受傷，今晚改左握手路線呀><！ 我地最後交換左電話同msn，因為佢地有大機，影左好多相，我叫 K send比我，我仲係msn同佢傾計時叫佢做祖名呢，哈哈！而呢幾張相係佢暫時send比我先既，遲ｄ佢會燒隻碟比我喎，我有叫過佢揀ｄ靚既比我，然後send by msn咪得囉，佢話唔想我miss左任何一張，佢真係好有心，同真係一個超級粉絲！
沒有留言:
張貼留言