.gif)
盤生係我入中大時的同事，睇住佢退休，跟住到加拿大生活，呢幾年間唔中都會返下香港，每次我地都會見一個面；咁多年黎佢都好有我心，間唔中會打長途電話問候我，尤其是前年我隻腳做手術時，打左幾次添，非常關心住我既康復，我地亦會互寄聖誕咭架！
今個月佢返左黎，但呢排我夜晚較忙，食晚飯就難ｄ，過埋下個禮拜就好ｄ啦；而盤生咁岩今日要返大學clinic，最快最容易就係約埋班同事一齊聚舊啦！
叫左好多野食呀～～
跟住個個都跟盤生盤太影返張，呢餐飯仲食左個半鐘，好多野傾；原來盤生五月頭先走，之前我誤會左以為四月頭走添，咁我地應該可約多次食晚飯啦！
今個夜晚都有個重要環節，就係婚妙相fittings，michele仲臨時跟埋我一齊去呢！其實婚妙相係二月book左架啦，宜家好專業，book左後即晚已經可上網揀定試咩衫；我相信緊張的新娘子們，通常會第一時間，拿拿林上網揀，但我就係一個個別例子，因為我竟然拖到．．．前幾日先上網揀，因為知道再唔揀咁今日點試身呢？哈哈！其實我都質疑過自己，點解會咁hea架，係唔緊張？定係懶到咁？還是唔想結婚呀？哈哈！
上網揀都幾辛苦架．．．我竟然用辛苦黎影容添，哈哈！因為好多好多款式．．．花多眼亂，加上婚紗相影時落左閃燈，有ｄ相都睇唔清個款，好似件件都差唔多咁！ 我唔鐘意沉色，所以晚裝方面，我主要揀返淺色系列，比如金呀、黃呀、粉紅．．．總之粉色啦，但試時都要落flash試影，因為太淺色就唔得，起碼都唔可以近婚紗既白色麻！ fittings時簡直係公主級享受，試身地方好大好舒服，仲係兩個sales服侍您，我諗係大約半個鐘內，我一共試左廿多套衫，都唔係試，係佢地不停係我身上又穿又除，跟住出去影相，跟住又返入去再繼續．．．成個過程好快，同埋有ｄ我揀左既衫好似冇試過咁，有ｄ就係佢地介紹我試既，總之著到我到唔記得邊件打邊件啦！ 呢ｄ係部份我試過的婚紗款式加偷拍，都係較中意的，當中有自己揀既，亦有佢地介紹既：
