下個星期要fitting啦，跟住再下個星期就要影相，係時候要confirm各樣野，冇得再拖，面對呢ｄ野真係覺得好煩架，好多野要預備，但時間又有限，好在上天賜我一位好姊妹，佢真係幫左我好多，仲成日提醒我有咩係時候做啦，好似我的貼身助理一樣，so good！
今日我同 Elsa 朝早都要返PT，我返CWB centre，佢返TSTcentre；本身約好左下午去金都買花球架，要佢睇過我先放心麻；但我下星期要fitting連girdle都未有，好好既佢係TST放工後特登過返海黎CWB帶我去買！
其實我一直遲遲唔買girdle，係因為我唔鐘意著，一來箍住唔舒服，二來我唔係咁鐘意好誇同好挺的感覺，覺得用返本身自己的身型就可以了，加上聽太多人講著完一次就冇用，但又要花幾百大元去買，實在唔太抵；不過原來就算唔肥的人都應該要著，因為人既皮始終會鬆鬆地，同埋我又有個肚腩仔，上面唔攪呢part都要修，所以最終都係要買既！
Elsa話CWB有間舖頭買girdle好好架，佢同好多姊妹都係呢度買，所以放工後佢就帶左我去買啦！
原來呢度好受歡迎，我一見到條龍就想閃，但Elsa都特登過左黎CWB，宜家走咪好戇居？原來舖頭入面得三間試身室，所以要排隊，Elsa話每次黎都要排下隊，但今日真係長ｄ，冇計，可能weekend，但真係好先會咁多人排吧；最後我地一共等左一個鐘，比我預期中短了，因為我地黎到係排第十二個架！
老闆娘好快手好攪笑，好快咁幫我度身、試身，仲要著埋束褲，跟住再換過最稱身既size比我，又度一輪，跟住教我點著，比佢睇晒同掂晒．．．之後叫我十分鐘返去覆尺，開頭都唔明，原來佢地會幫客人改到最合身為止，仲會改埋ｄ唔岩位既細微地方，兼且係之後唔岩身都可拎返去改，又幾好喎，出面專門店買實冇呢個服務！
覆尺時發覺girdle已給加工同車線了，今次老闆娘叫我自己著比佢睇，又一次比佢睇晒同掂晒．．．整個過程發生得好快，有ｄ都聽唔切，最後買了girdle同束褲！
買完已經三點幾，我地餓到爆炸，Elsa提議食清亭燕萍，佢特登過海兩程又咁幫得手，呢餐當然係我宴客啦！
扎肉卷第一次試，感覺清新又唔油，好田園feel，keep fit之選！
兩個傻婆又搵人影相啦！
我既生熟牛肉粉，第一次試，一片片的牛腩好好味架！
Elsa 既烤牛肉粉：
食完野出發去金都，今日一定要confirm到花球，所以主攻花球；由於之前已有左初步決定，今次主要係格價同睇下邊間有我想要的花；太陽哥哥好快到黎到，我地亦已搵到心水舖頭，不過最後都攪左成兩個幾鐘，原來仲要揀埋兄弟姊妹同主婚人既襟花，淨係襯花都襯左好耐．．．正常做法係新人、兄弟姊妹、主婚人三種花，但其他花同顏色我真係揀唔到，亦想一致ｄ，可能我太鐘意隻黃白小牡丹啦，最後我決定用同一種花，咁點分類呢？唯有係用唔同大細(花的數量)、襯花、絲帶黎分別啦！
雖然攪左好耐，但完成後真係幾開心，終於完成左呢項任務，好期待呢！短短幾個鐘買野已用去了四位數字，而呢ｄ都係ｄ簡單野，只佔婚禮的一小部份，最唔化算係好多野用完一次就冇用，又浪費又阻地方，所以朋友借我的我都會用；結婚真係要用好多錢呢，倒水式用錢開始黎啦！
攪掂後已經夜晚七點半啦，真係好多謝Elsa幫左我成個下午，攪左成日先完成咁小野，太陽哥哥話真係要整個to do list呀！
跟住陪太陽哥哥去揀鬚刨，又去國美又去百老匯，由於太攰，我已經冇力再行去豐澤格價了，係百老匯買算了！買完後我已經行唔到路啦，由今朝做野到宜家，都冇咩時間坐過，我對腳真係有種跛既感覺，頂唔順，周圍又多人，於是上左大家樂抖抖．．．係度我地就順便食埋晚飯了，由於我都未落格，只叫了一個飯share，今日真係超勁爆攰的一日呀！
沒有留言:
張貼留言