我地今日又去見諾諾啦，因為表姐織比表姐夫既背心去到開夾階段，如果每次飲一次茶去學，時間實在太短，唔夠時間之餘，仲相信要飲好多次先得；但礙於媽咪一至五都唔得閒，教唔到表姐全日，我地就約好今日全日去姑媽屋企，媽咪就教表姐織織織，我就可以同諾諾玩，最重要係諾諾係屋企可活動自如，唔洗飲茶要坐係度成兩三個鐘咁辛苦！
我地先去大圍龍亨食泰國野先，呢度我同太陽家族間唔中都黎，覺得都幾好味，一路都想帶媽咪黎試，咁岩今日試到，仲發覺呢度的lunch set好抵食，一個炒野一杯野飲先係$28，仲可以平價食小食！
睇下諾諾，係度點菜點埋一份，好攪笑！
大人食野，小朋友就乖乖自己係度玩啦！
之後返姑媽屋企，後面三個大人即刻開工，度身開夾，我就坐係梳化嘆世界，因為食到好飽呀！諾諾真係冇時停，係咁行黎行去，乜佢唔攰既咩？最攪笑係佢係咁不停拎ｄ野比我，勁攪笑！
拿拿拿，佢揀緊拎野比我呀，一揀完就會拎去梳化交比我架！
好在今日表姐夫都係度陪諾諾咋，唔係諾諾咁有精力，我都驚應付唔住，我見諾諾真係好似表姐咁講，好鐘意daddy架，今日親眼見到，表姐夫走左出露台，諾諾就係咁拍玻璃叫爸爸，好sweet呀，表姐夫跟住隔住玻璃同諾諾玩，比我拍低左佢地咁溫馨既一幕呢！
諾諾ｄ玩具多到不得了，車都有幾部，咁多野玩，試問佢點會攰？
跟住我地仲同諾諾去左公園玩，呢個小園景幾靚呢！
見到有野玩，諾諾好興奮咁呀！
諾諾自己爬樓梯：
sir 滑梯：
又係活學教學時間，where's A？
swing時間，媽咪係諾諾旁邊個swing，引到諾諾好開心咁喎！
返到去打返場波先：
玩完返去就係bathing time，我呢個攝影師梗係衝埋入浴室睇野啦！
諾諾個沖涼盆好似就黎唔岩啦喎！
諾諾真係一個好smart既小朋友，沖涼時都會聽command，媽媽話要洗頭，原本坐係度玩緊毛巾仔既佢，會識配合媽媽輕輕挨低身跟住訓低，好乖！
頭髮濕笠笠時，個樣好似女仔呀！
呢part好勁，我睇到嘆為觀止，呢個command係open your hands：
close your hands：
arms up：
呢招真係勁，方便同諾諾洗格肋底之餘，仲有係抹身時，arms up就可方便用毛巾包住諾諾啦！所以話呢，ｄ媽媽真係要快ｄ教個小朋友arms up啦！
親子時間，諾諾好開心，咁樣睇仲好細粒添呢！
自己睇電影，睇到好入神，好乖呀！
跟住諾諾知道我係度拍緊佢，佢就係咁走去我後面，指住部相機要求preview！
今日係冇預備既情況下，我地突然諗不如測試下諾諾既耐力同服從性，一切都好巧合咁進行，我亦咁岩拍低晒成個過程，好攪笑架，必睇！
第一次，好明顯諾諾偷食左，但試問一個歲半都未夠的小朋友，究竟真係聽唔聽得明媽媽講咩呢？不過見到諾諾一聽到媽媽行出黎把聲就驚一驚咁，即刻將餅仔放入口，呢下真係笑死我！
出奇地，經過第一次，諾諾好似真明咁，到第二次時唔敢食呀！小朋友既潛力，真係充滿住無限既不可能！
沒有留言:
張貼留言