今日係Happy Friday，但因為PT個度第一日報名，需要大量人手，所以今晚都要返工，好慘呀！
放工時成十點九啦，見到對面馬路泊左一排電單車，行近ｄ先睇到原來係鐵馬，一共有七架呀！
跟住見到ｄ警察叔叔係度行黎行去，好似stand by 咁！
後面仲有兩架大警車，咁大陣仗，究竟係有意外發生，定係有大人物會經過所以要咁多架鐵馬開路呢？
我影完相就返屋企啦，Elsa事後同我講，原來係隨機呼氣測試，因為佢去左食野，食完出黎見到警車後面貼左banner寫住"隨機呼氣測試"，以下張相係佢send比我睇架！ 另外，尋晚終於睇左"愛與痛的嫁期"，開心係睇得切，唔開心係要去百老匯電視中心，仲要係得返九點五十分個場，我放工後要等好耐．．．我真係好唔鐘意去電視中心睇戲，每次入到去都覺得有陣味，又唔大間，ｄ位又唔舒服，地點又唔太方便．．． 其實因為呢排鐘意左Anna，想捧佢場先想睇呢套期，加上個電影內容又好吸引咁；不過看罷麻麻地，有幾個位亦唔太明白，同埋覺得戲入面，Anna飾演的問題妹妹既行為又真係好無聊，同現實好似脫離，唔太合理咁，做家姐既亦有問題，總之成家人都好有問題咁，怪怪～～
沒有留言:
張貼留言