2009-03-31 (Tue) 同諾諾飲茶

 

今日又同諾諾飲茶啦，上個禮拜已約好今日啦；一來表姐前幾天去新加坡，會買班蘭蛋糕比我；二來我聽日影婚紗相，想借她的氫氣球座綁住ｄ氫氣球！

今日我帶左份小禮物比諾諾，早前見emily囝囝用過的口水肩，覺得超可愛，所以我亦去買了個比諾諾，二月尾訂到宜家先有，等左好耐呢！

 

諾諾都OK鐘意咁喎，佢仲似乎知道係一件衫咁，識放係身前呢！叻～～

 

做動作時間：YEAH～～

SMILE～～

SMILE～～

 

見到ｄ野無晒會咁～～

丟野落地比媽媽鬧，呢個係SORRY動作～～

閃光燈盞住佢時～～

曖同拍拍chip n dale，呢張超攪笑～～

 

諾諾會間歇性地突然超興奮，會狂拍、會好肉緊、會搶相機．．．

 

仍然興奮+ing．．．

 

諾諾又學識新野，見到個手"抽"，識咁架．．．

搵個窿先．．．

跟住一穿．．．

得左！可以去shopping啦！小朋友真係日日都係度成長緊，每次見諾諾都見佢學識一ｄ野，總有驚喜，真係好叻呀～～

 

表姐買給我的班蘭蛋糕：

不過佢好似買了另一款，我想要個款係roll款同中間有cream架，哈哈！不過都好多謝佢啦，拎住咁多行李仲買到咁大個蛋糕，仲要hand carry，淨係hand carry諾諾已好大工程啦，哈哈！因為自己既為食攪到表姐咁麻煩，真係唔係幾好意思呢！

 

2009-03-30 (Mon) 被人"澤"

有日係商場坐係ｄ櫈度攤抖下，點知隔離位男士訓覺訓到成日係咁"澤"過黎我個邊，真係好討厭！

哼！等我影低 post 係 blog 等人認住您先！哦．．．原來係您！

繼續影低被騷擾過程：

有相為證，睇下佢跌到成45度，咁都訓得著既？！

好啦喎，越"澤"越過，做咩係要"澤"過黎我呢邊而唔"澤"過去另一邊呢？！

女仔要識保護自己，真係要縮開先得．．．

縮開佢仲搶狂，跌穿埋45度．．．

噢，失去重心，醒啦！按快門一剎，被發現偷拍(佢)，好驚呀(我)！

點解影左咁多相都唔知架，好攪笑！其實係我地買左飛睇戲，但太陽哥哥今日楂左成日車，驚到時恰眼訓，一陣個套仲係西片呀，大忌！不如等入場時小休一陣穩陣ｄ，點知佢真係訓得好"林"呀，睇黎佢工作得好辛苦呢，真陰功！（後記：事後佢成套戲真係無恰過眼訓，套戲仲本身麻麻地，咁都都冇訓，小休原來係咁有用架，哈哈！）

見太陽哥哥醒左，我地就玩下自拍，下個禮拜影相啦，講左好耐話得閒rehersal一下，費時到時擺ｄ好浪漫好認真個ｄ甫士會忍唔住笑呀，好似互望呀互微笑個ｄ呢．．．不過我地最後唔知點解係影左呢ｄ低Ｂ相．．．

發覺自己嘟咀好樣衰．．．

反而白兔牙攪笑ｄ喎，等我試多幾次先．．．

想偷吻我？冇咁易，好在膊頭頂住啫！

太陽哥哥冇咀唇好恐怖呀！

佢扮極都扮唔到我個白兔牙甫士，好樣衰．．．哈哈！

白兔牙甫士，狂擺+ing．．．

原來我對門牙係咁大隻架喎，不過幾整齊幾白淨丫，哈哈！

到太陽哥哥自己發揮時間：

我成日都唔識好似佢咁戚起條眉架，仲要兩邊都得呢！

佢鐘意扮的雙眼皮，望落好似甄子丹呀！

白兔牙喎．．．

點解我地會影左呢ｄ低Ｂ相架，唔係話rehersal咩？乜結婚相會咁影既咩？！哈哈～～