尋日咪話呢兩日心情大靚想瘋狂shopping既，點解心情咁靚？除左因為太陽哥哥考試pass外，另外因為有隻股票幫我賺左五位數字呀，所以好開心！
呢隻697，如果有聽開陸叔就知佢間唔中都講，我唔聽收音機架，但太陽哥哥聽麻，佢入我又入，但當然有風險啦，我入時係1.88，覺得已經係低位，點知跌到1.2x都試過；都係信陸叔架咋，買左個幾月，上星期五突然大升，仲成為個日十大升幅股票之冠，未試過自己手上的股票會上榜架，好威呢！
自從個日穿左二後就一路升，連升幾日，太陽哥哥係星期二時見2.72時唔貪心就閃左；話明佢唔貪心麻，貪心的我，心水係升足中一蚊先放，於是係星期四早上set左 2.92，好好彩又比我成功放到，個日最高價先係2.95，我都幾有眼光呢，哈哈！
計一計，profit portion達50%，賺左五位數字，係非常非常好，我就非常非常開心，好旺呢，旺埋太陽哥哥考試，哈哈！論時間，個幾月有呢個成績真係好好架！升左咁多日，等佢回返2.3/2.4都可以考慮再入呢，因為陸叔估佢今年目標價係3.2定3.5架；但信心冇之前咁大了，可能賺得算多，同埋貪心的我鍾意短炒多過長線，哈哈！
不過大家唔好睇我咁開心先，我蝕個ｄ冇講啫，有ｄ仲坐緊艇，帳面冇左50%都有，不過我成日抱住"一日未放，一日都未輸"的心態，通常賺先會放，哈哈！所以唔好以為好好搵呀，有風險架，亦唔可以貪心呢，所以今次比預期賺多左，係luck黎架咋！
沒有留言:
張貼留言