上星期已約好今日去探樂樂，媽咪一向計劃每個月會探佢一次架，而我下晏放到假都一定join埋，因為玩BB係我強項，哈哈！
約好係新城市廣場飲茶先，因為我要去運輸署攪ｄ手續，表姐同姑媽好好咁就晒我，攪咩下次先講，因今日篇幅主要只講樂樂only！
今早返工個心已飛去玩樂樂，仲同表姐msn叫佢幫樂樂著cute啲，表姐仲叫我咪bull shit添！樂樂座架黎到，嘩，魚夫帽都戴埋，聽聞係第一次戴架咋，好比面喎！
今日造型係sharp黃色M&M's衛衣仔，好可愛，變左一粒大M&M's BB！哈哈！全身同半身都要影呀~~
光頭仔 M&M's BB~~
個頭仔圓碌碌，推佢前ｄ影先，咁咪顯得我塊面細ｄ，嘻嘻~~ 睇下，差唔多大咋！
好嗲呀~~
唔好忘記都要同表姐同姑媽影相先~~
樂樂隻手仔亦唔會成日楂實拳頭架，反而成日玩手指，點蟲蟲咁，好攪笑！
樂樂係一個好鍾意笑的開心BB，睇相都知啦，一日一定笑超過一百次！佢仲成日依依哦哦係度唱歌架！
睇下．．．嘩嘩嘩！！出黎啦．．．pet口水！
樂樂大頭close up多面睇，可愛可愛可愛~~
飲完茶就去左表姐姑媽佢地的新居參觀，位於大圍的瑞峰花園；因為得表姐一個人湊唔到樂樂，同埋姑媽姑丈一齊住會方便ｄ，佢地就決定一家人一齊住啦！
咁樣影就知淨個廳大約幾大啦~~
露台景色．．．直望黃黃地個度就係太陽哥哥住個度啦，對到正一正呢！
飯廳另一邊的景色，望到獅子山隧道一出個個位，仲有望夫石添！
樂樂肥豬脾！嘻嘻~~
係新屋攪左好耐，姑丈就叫我地食埋晚飯先返屋企，就去左大圍龍亨村的酒樓食飯！
我地叫左兩個餐，有兩條魚、白灼蝦、龍蝦仔、冬瓜盅、菜，太多了，好飽飽呀！我覺得最好味係龍蝦仔，因為勁多粉絲係底，索晒ｄ汁，真係勁正！
同公公影返張先，大光頭同小光頭，都幾似喎，哈哈！
沒有留言:
張貼留言