2008-04-04 (Fri) 威哥：生日快樂!!

今日係威哥正日生日，真係開心，年年都係兒童節生日，係度祝佢生日快樂先！最緊要比心機讀書，同多ｄ聽媽咪話！不過佢呢兩年都真係乖左好多既！

因為囝大十八變，今日正日生日佢已經約左朋友出去慶祝，所以我尋晚放工就請佢食左生日飯先；我地揀左別府，不過琪琪冇份！係青衣城仲見到板前壽司裝修緊呀，嘩，好勁，開到係青衣城，到時實排晒長龍！

至於成家人食飯慶祝，應該會係下星期，連埋琪琪生日一齊食！

今日一早，我地成家人九點幾就起身，一齊落街食早餐慶祝！呢個情景真係好耐冇見過，我諗起碼超過一年，所以都幾開心呢！