2008-04-06 (Sun) 20個月紀念日

今日係同太陽哥哥的20個月紀念日啦，踏入２字頭啦，時間真係過得好快，我好想成為同佢拍拖最耐的一個女朋友，哈哈！

今日的慶祝節目係問佢哥哥借了車，周圍去遊車河，其次係太陽哥哥要認路呀！我地去左好多地方，旺角、九龍塘、又一城、九龍城．．．有ｄ我訓著左，唔知去左邊，哈哈！

city hostel真係好正，係正豪宅隔離，有冇攪錯呀！

太陽哥哥第一偶像 - 成龍大哥，新戲"功夫之王"今個月廿四號上映啦！

去到九龍城，細妹介紹過一間路邊泰國小餐館，買了至愛勁辣鳳爪，驚太陽哥哥頂唔順，買了雞翼比佢！點知係．．．連我都頂唔順！要買水狂飲！辣死人~~

跟住太陽哥哥帶我去了佢細個時住的地方 - 藍田，但已經拆左啦，路都起左好多呢！

回程時太陽都開始落山啦！

跟住返新城市行左陣，然後就返去食野同睇超級無敵獎門人啦！