今日去左Mega Box，因為想用張mac look七折coupon買耳環，近來愛上"豬仔"羅志祥，所以買左對好得意的豬仔耳環！係咪好cute呢？
一入到Mega Box，就見到幾隻好大好高的公仔！
唔係為買耳環，真係唔會再黎Mega Box，我覺得呢度唔方便又冇咩特別野行，但既然一場黎到，齋買耳環就好"晒"咁，我地就試埋IMAX戲院，睇左"夜行捍探"！
呢套戲我覺得麻麻地，好多野講，我又訓左．．．呢兩日ｄ戲咁架，但太陽哥哥話其實內容係幾好睇架，好似案中案咁！
係德福行左陣街，呢兩日心情大好，好想瘋狂shopping架，但可惜又無野睇岩！咁上下就返荃灣，因為今晚約左碌齡！尋晚未正式食飯慶祝太陽哥哥考試pass，今日補返，我地又去左食日本野，揀左"目黑"，隻公仔logo係咪好似長江七號隻七仔呢？
呢度有迴轉檯同普通檯，我驚身體未好，唔敢食咁多壽司，所以揀左普通檯坐；呢度有幾盞一條條的長燈，幾特別幾得意！
我今日主力食熟食野多，太陽哥哥就主攻壽司，佢仲自己食左兩碟三文魚壽司，共六件，仲未計其他野食呀！
呢度ｄ壽司整得幾靚架，隻碟又型，所以我冇縮細比大家睇下；呢餐只係食左二百元，可能多熟食選擇啦，我個人就鍾意呢度多過板前喇！十點後原來每碟壽司十蚊咋，我地發現時已食飽咁滯，下次會醒目ｄ，但平壽司當然冇貴野啦！
沒有留言:
張貼留言