今日去了睇"三國"，其實我對內容沒興趣，亦對歷史冇咩見解，買飛只為了捧華仔場！的確，覺得套戲閃透了，我諗係我唔識欣賞吧，還小睡了片刻呢！真係對華仔唔住．．．
之後去旺角行街，係繁忙的旺角街頭竟然見到有人揀呢度拍婚紗照，真係相當特別！
行到夠鐘，為的就是等肚餓去試同事告知的"易牙妙手"的"西門町大腸麵線"！西門町出名的"阿宗麵線"，相信大家都聽過，亦係我的至愛，每次去台灣，每晚總係口痕痕想食，亦愛住在西門町附近的酒店！
易牙妙手的大腸麵線，香氣撲鼻，一聞之下，似到十足十，麵線的質感同味道亦好似阿宗麵線！但奈何有兩樣野比不上阿宗麵線，一係辣味，阿宗麵線可辣可唔辣，嗜辣的我好愛食辣味，唔知辣點溝出黎，總之係好好味既；但呢度要辣的話只會比普通辣醬您自己加，溝入湯裡面，味道怪怪的，格格不入！二係豬腸，係其中一精髓黎架麻，但呢度係雪藏兼切到略大片的豬腸，不及阿宗麵線的新鮮豬腸好味！不過香港餐廳，好難會用新鮮豬腸既！
呢碗"西門町大腸麵線"，我比七十分啦，當懷念台灣的阿宗麵線時，都可黎止一止渴既！
沒有留言:
張貼留言