今日係琪琪的正日生日，其實冇預到會食飯慶祝，因為一來屋企食飯約左係今個星期日，二來佢會同朋友慶祝！
其實以下既相片，係攝於今朝凌晨近一時！發生咩事呢．．．？其實係隔離租客，亦即琪琪朋友xylia，係返黎時捧左個蛋糕過黎比媽咪，話幫佢交比琪琪，因為十二點琪琪就生日；仲話唔介意的話，到時叫埋佢過黎一齊食！
我一早已經訓左啦，突然之間，有人好大力"bomb"一聲打開我房！頂．．．嚇死人咩！琪琪就大聲話：起身同我切蛋糕呀！我十萬個唔想起，又眼訓又著晒訓覺衫，但xylia都過埋黎，冇理由ｄ屋企人唔出黎姐，好唔比面麻，於是，就影左輯好樣衰既生日相喇！
點蠟燭時間，真係要多謝xylia喇！我地仲熄燈一齊唱生日歌呢！
媽咪超級興奮，仲係咁做攝石人影相！梗係啦，佢係度煲緊劇都未訓！難為我．．．快ｄ啦，好眼訓．．．
琪琪都好開心，睇佢咁許願同吹蠟燭，加埋個蘭花手切蛋糕，笑到我成個人即刻精神晒！哈哈！
捧蛋糕影左，點蠟燭又影左，切蛋糕又要影，仲要每個款人人都輪流影，攪都攪左成半粒鐘！得未呀．．．？快ｄ啦．．．
攪掂！我第一時間衝入房訓覺！唔好意思，我太眼訓了！係度，祝琪琪：生日快樂！！！
沒有留言:
張貼留言