2012-07-21 (Sat) Kim屯門新居．慶生飯＠超抵食

今日去左Kim屯門新居，係屯門大興花園一期；先hea下同小朋友玩下食下Kim 整的蛋糕！

夜晚Kim慶生飯去左超抵食的悅明苑, 每款餸一律$35, 真係抵到震, 煮飯都仲貴呀!

2012-07-20 (Fri) TOYOTA 睇車

今日放工同太陽哥哥去左九龍灣TOYOTA 睇車, 主要都係睇CROWN宜家代理日本送過黎的二手Sienta, 可能立左例07年打後的入口, 所以都好貴呀, 試左架湖水藍都要成14萬幾!  內籠超新, 顏色亦岩, 因為街太多白黃銀, 可惜價錢真係唔岩呢! 睇完仲比sales 說買新車Ractics, 咁梗係冇落搭啦! 不過睇車又真係幾開心喎, 可能好多年未擁有過車啦, 手痕返, 哈哈!

2012-07-18 (Wed) 美贊臣講座：懷孕分娩及懷孕期飲食期須

第一次去美贊臣講座, 都幾infomative, 下半部講營養都有用, 最大發現係我好多唔食得飲得既野, 營養師係話得架, 聽到太陽哥哥唔多likey, 因為我同佢聽日開始可以食返榴槤啦, 哈哈! 其實我當然唔會既, 頂多只係見到時食一兩啖啦! 嘻嘻~~

之後去左灣仔幸亭食拉麵, 但我麻麻地個陣濃湯味, 所以再行去銅鑼灣食松記甜品, 開心滿足晒!

2012-07-17 (Tue) Cooking@Home：豆角炒腩肉、瑤柱蒸水蛋

連煮左三晚飯, 覺得自己都好叻呢! 哈哈! 不過好在兩個人食, 住兩味通常都夠; 今晚煮了：豆角炒腩肉、瑤柱蒸水蛋 !

2012-07-16 (Mon) Cooking@Home：蒸魚、薯仔炆腩肉

今晚好簡單，煮了蒸魚、薯仔炆腩肉，係後者需時炆啫，兩樣都好好味！^^

2012-07-15 (Sun) Cooking@Home：光波土匪雞翼、炒菜心、節瓜排骨湯

今個weekend唔洗返工，多點時間煮野食，日頭玩完蝴蝶酥，夜晚煮了飯；今晚有光波土匪雞翼、炒菜心、節瓜排骨湯！

土匪雞翼一半落黑芝麻，一半唔落；望落唔夠色水咁，加了老抽，點知光時攪到好深色，激死！:(

煮餐飯其實都幾辛苦架，大熱天時，我今日拎呢堆野拎到標晒汗，重死我呢！