2012-04-19 (Thu) 759 呀信屋

聽過好多人讚759 呀信屋的韓國芝士麵好正, 聽左好耐, 今晚同太陽哥哥係太子食完飯一於去行個轉; 細妹教買滿一百, 即刻做會員兼即刻有折!

2012-04-18 (Thu) Dinner@華星冰室

成三個月都冇同太陽哥哥放工後約出街食飯架, 佢今晚話八點半放到, 就決定等埋佢, 好在有 iPad 陪住我煲劇先撐得住! 係呀, 佢今日放八點半算早架啦, 呢幾個月佢晚晚十一點後甚至凌晨先返到屋企! 

早前細妹話旺角開左華星冰室, 一於今晚去試下, 但我對以前好愛的黑松露已變到覺得佢地好臭, 試唔到個黑松露多士!

放到好似一間屋咁!

2012-04-18 (Wed) Dreyer's 新出開心果雪糕

放工買了Dreyer's 新出開心果雪糕比細佬妹食, 我都有份, 不過含到唔係好凍先吞, 嘻嘻!

 

2012-04-15 (Sun) Mei及囝囝慶生飯@悅來坊

今日同太陽哥哥舊同事食飯, Mei 同佢個囝囝係同一日生日架, 勁! 原本同埋Kim細囝敏雋慶祝架, 不過黎唔到! 我地去左悅來坊一間中日泰既菜式都有的餐廳, 開飯前 Mei 講解 freelance 細節, Kim 同太陽哥哥佢地都好認真, 場面好攪笑! 飯後侍應捧上生日蛋糕, 仲插左支好勁既煙花蠟燭, 我地估實收至少一百切餅費, 點知冇喎, 加分!

宇澄條超人腰帶好勁! 我地仲生日禮物比佢, 佢錫左我一啖呢!

2012-04-15 (Sun) Cooking@Home：愛心飯盒 - 薯仔炆雞翼

好耐冇煮野食啦, 太陽哥哥早幾日提過鍾意食薯仔炆雞翼, 仲話11字切開好喎, 真係大少, 哈哈! 今日日頭係屋企冇野做, 就決定整愛心飯盒, 又簡單, 又可以帶飯, 老公又鍾意食喎!

2012-04-14 (Sat) Lunch@Triple-O's．BC Training

今日介紹左細妹、表弟、Kammy上BC Training，其實都係佢地之前同我講好有興趣既，希望係我黎緊休息期間，佢地可以賺下不錯的外快啦！Training前去左Triple-O's，第一次試，不錯！Training期間的refreshment又好好味，我食左好多，嘻嘻！不過training時間好長．．．接近四個半鐘！

2012-04-13 (Fri) Dinner@牛角

今晚同屋企人初試牛角(佢地), 可惜威哥要係屋企等人整冷氣黎唔到, too bad!