2011-02-25 (Fri) 3D潛行深淵@iSquaire iMAX

今日同細妹及其朋友仔一齊去 iMAX 睇 3D 潛行深淵！

iMAX個巨幕真係好巨！

3D眼鏡都特別大個！

套戲冇想像咁好睇，開頭我仲訓著左．．．其實可能係太攰．．．中間都有ｄ恐怖，ｄ死人死係水入面，成日close up埋黎．．．嚇死人咩，因為係3D，變左好似成條死屍係您面前咁！雖然好多人死，有兩幕死得最心痛，分別係爸爸同佢好友，同埋爸爸同呀仔；兩幕的分離都係用同一個方法，好殘忍亦好無奈，我都睇到眼濕濕．．．人真的能咁理智？我一定做唔到．．．

 

2011-02-24 (Thu) My Car?!

我架車呀～～

原來我仲有個囡！哈哈～～

係真就好 lu！

2011-02-23 (Wed) Dinner@和民．零食入貨

每年生日，和民信用咭都會送張$100 coupon的生日禮物比我；今年都唔例外，過幾日就到期，再唔食就蝕，所以今晚同太陽哥哥去左和民食飯！

早一晚訂定卡位，點知一個不知所謂兼無品的o靚仔破壞晒，時下年青人真係好無知兼幼稚，仲用粗口話我地！雖然發生了呢段小插曲，而我地最後亦選擇坐第二張檯而冇了卡位，但這件事上，真係好欣賞太陽哥哥的正面處理手法！

叫左四樣野，呢餐飯大約半價啦，抵丫！

去完旅行返黎，個心特別空虛，要入多ｄ貨返屋企先特別warm！

好鍾意飲的梨汁，一口氣買了四箱共四打！

2011-02-22 (Tue) 拆利是

因為去左旅行，今年好遲先拆利是；雖然已結左婚，但仲有利是收，當然都係黎自長輩＋太陽哥哥啦！

結左婚都有二千幾蚊利是錢呀，算係大豐收呢！

今年媽咪送的利是封我超級鍾意呀！

2011-02-21 (Mon) Dinner@上海婆婆

尋日係葵芳同朋友食飯＋睇戲後，散場後太陽哥哥己在葵芳等我，太陽媽媽仲黎緊，一齊食晚飯喎；就係咁，我今日竟然係新都會渡過左八個鐘(不過中間有出過去遊陣車河)！

本想食和民，因為張生日coupon仲未用，但太陽媽媽黎，就食返中菜好ｄ；帶過佢未試過的上海婆婆！

2011-02-20 (Sun) 慶生飯@Ant One．楂車車．枕邊冇情人

因為今年生日撞正農曆年＋旅行，慶生飯宜家先有時間食；今日跟中學同學去了『Ant One』；仲係正月，我梗係會繼續派利是啦，其實我都幾鍾意派利是的感覺架！

午飯後遊左陣車河，仲可以過車癮，第一次楂 2000 CC 的車，雖然全程好緊張，但真係覺得自己好叻丫！今日真係覺得 Ernst 好好，平時雖然好不羈瀟灑咁，但今日少少地人，問下佢深入ｄ的topic，又覺得佢係一個good guy；佢仲車我地去完呢度又去返個度，真係好錫我地！有點覺得自己之前做得唔好呀，唔夠關心呢位好朋友，黎緊既日子要做好ｄ先得！

遊完車河同朋友睇『枕邊冇情人』，旅行返黎首個weekend的第三套戲，我都覺得自己好癲，但鬼叫自己係戲痴咩．．．呢套戲我好鍾意呀，係呢三日入面最好睇既；有性冇愛竟然發生係女仔身上，現實生活梗係冇可能啦，所以題材好新鮮呢！好enjoy佢地掛住sex時攪出來的笑料，好鍾意男主角的情深，好感愛到當女主角講『I lost him！』時的個種痛．．．套戲有笑有淚，讚！