前篇咪提到係迪欣湖影外景時有兩位特別嘉賓既，就係表姐同諾諾，其實呢個約定係尋日飲茶時傾既，表姐好好咁話不如佢黎拍下花絮，其實我好想架，但記得問過唔可以帶埋朋友去，就係唔比，我地先加左錢拍MV呢！加上我又唔清楚個行程會係點，所以都係十五十六，表姐叫定我，一係我一化好妝時打比佢，佢就出門口！
點知我化好妝後又要set頭又要換衫，加上電話唔係身，到出發時先打到比表姐，到表姐黎到時，我地已經影左一半啦！
我地當時扮唔識，好鬼攪笑！表姐就扮路人，最慘係諾諾，慘被利用，表姐扮同諾諾影相，但鏡頭其實大部份都係偷影緊我同太陽哥哥！唔知諾諾第時大個見到呢ｄ相，知道我地利用左佢會點呢？哈哈！
表姐真係勁，推住BB車黎，跟住放諾諾落地扮同佢影相，到我地一行，佢就即刻放返諾諾上車，跟住追住我地．．．係咁不停咁重覆呢個動作，我看在眼內，見佢又有少少狼狽，其實都幾爆笑架！哈哈！佢一路追仲要一路顧住影，其實都真係幾高難度，佢絕對有潛質做狗仔隊呢！
追追追．．．
好醒咁追過我地，係我地前面等我地經過！
湖邊係我地其中一個景點．．．
連倒影都影埋，偷拍都咁講要求，哈哈！
助手教我地擺甫士．．．
做出唔同影婚紗相指定動作，要忍笑架，哈哈～～
呢張其實我好鐘意架，影到倒影張相又夠水平線，可惜影到攝影師．．．
跟住錫錫，兒童不宜呀～～
上面ｄ相冇咩問題丫，跟住呢ｄ就好攪笑啦，全部係扮影諾諾得黎又偷影埋我地，呢ｄ相真係要keep住比諾諾大個睇先！
諾諾好似好無奈咁係度玩手指喎．．．
完全唔知比利用．．．
仲搭晒石頭比媽媽影相．．．
咁近個攝影師都唔知．．．哈哈～～
真係超近喎，差兩步咋喎．．．！
咁浪漫既時刻，諾諾竟然望都唔望，唉．．．
我的solo時間：
勁鐘意諾諾呢張相既表情，仲有佢兩隻手仔，唔通佢發現左被利用？哈哈！
攝影師真係好落力咁幫我地影相呀，上面個張已睇到佢露埋底底都在所不惜．．．
又彎腰又曲腳，仲要趴埋係度咁滯．．．
跟住去草地啦．．．
攝影師同助手突然走左去，因為發覺漏左相機袋係湖邊呀，佢地即刻衝返過去搵，仲話因為掛住影，影到咁開心咩都唔記得喎！我地就吼佢地走開左時，慢慢行近表姐比佢影．．．
越行越近．．．
跟住我地繼續影，見唔見到我地係度做緊咩呢？到時睇相就知啦～～
趴草地似乎又係指定動作．．．攝影師都一齊趴係度架．．．真係好落力！
接近尾聲啦．．．
等車回影樓中，攝影師好興奮咁叫我睇相，仲問我睇下鐘意咩style等佢今日繼續影喎，我真係覺得佢好有heart同真心想影輯靚相，而唔係為做生意咁！
臨走時經過表姐同諾諾，表姐竟然同諾諾講：睇下，頭先個姐姐呀！我就配合下，過去摸下諾諾，同佢say hi！正所謂做戲做全套麻，哈哈！
走啦，拜拜～～
今日真係要特別鳴謝表姐既幫忙，拍低咁難得既一面，thanks soooooooo much！
成個影婚紗相過程報告完畢喇，回想返，真係覺得上天好眷顧我，比我地一個咁晴朗又唔太曬既天氣，仲有book到出名既化妝師irene同攝影師kelvin，我同太陽哥哥都好滿意佢地既表現，尤其是攝影師kelvin同助手呀lok，佢地冇比到一個趕收工同不滿既感覺我地，反而好盡心盡力、唔計較要咁夜收工咁幫我地影到輯咁開心既相！可惜搵唔到利是封，唔係實封返封利是比佢地呀！
不得不提係，幫我地拍MV既錄影師，係由錄影公司個老闆andy親自操刀架，呢個真係冇預計過同好意外呀！早前門市sales提我地，如果當天同錄影師溝通有問題，就同佢講：sales同andy講好晒架啦，有咩唔明問andy啦！點知當今朝錄影師行埋黎自我介紹話：我係andy呀，您係張小姐？呆左．．．問返佢：您係andy？原來佢話因為好多booking，所以佢今日都要出黎幫手；我講笑同佢話：由您親自操刀，真係我地既榮幸呀！
我覺得自己好幸運呀，好似好多野無拿拿自己送到面前咁，仲要係最好既，上天好似真係安排晒最好既野比我咁，真係要感謝佢！仲要多謝elsa早上既攪笑祈禱sms呢！
最後post返第二次試衫時既偷拍movie先，睇返真係覺得自己冇揀錯衫，yeah！
仲有一樣新發現，記得揀外景婚紗時有兩件都心大心細、十五十六，雖然另一件感覺grandｄ亦多人鐘意，包括太陽哥哥；但最終自己反而揀左件簡單款，後尾先知原來係有原因架．．．
放棄左grandｄ個件：
我書檯頭一直有ｄ紙板衫仔裝飾，其中一件係婚紗，我一直都好鐘意，因為其腰身交叉的剪裁．．．
大家話似唔似我揀個件婚紗？原來一個人既喜好，係會深深印左係腦海架，仲會不其然令您有一種堅持，感覺好微妙呢！
