八號風球係半夜發生，真係唔抵！我同太陽哥哥尋晚仲估今日佢應該開唔到工，仲以為佢今日可以陪下我；碌齡班朋友亦約好今日打風上黎我度打牌同玩下咁．．．點知今朝好早就落波，太陽哥哥要扑去開工，我就空歡喜一場．．．
全日都冇咩特別，係屋企休息下啦，都未好返晒，冇發燒啦，只係一食野都會痾；尋日咁，食完早＋午餐，痾左三次；食完晚飯又係痾左三次，仲要係太陽哥哥係廳都聽到我係廁所痾個下既聲
，勁！好丫，醫生話痾多ｄ好呀，雖然痾個下少少辛苦，但都係一下啫，哈哈！仲笑得出？梗係啦，輕左三磅喎，唔開心就假
！哈哈～～
朋友們大約四點黎到我屋企，算係我同太陽哥哥第一次接待佢地啦！
子元ＢＢ都有黎，我就拎ｄ玩具比佢玩！咁大盒玩具，拎唔拎得起呀？
踢波波～～
點解咁多ＢＢ鍾意玩我部電話架？！
子元ＢＢ實在精力過盛，放佢係兜入面就唔洗"看"得咁辛苦！哈哈～～
牌局進行中～～我冇野做架，同休數手指囉，又研究下部新電視咁；兩個人玩左舖大富翁啤牌，邊玩邊等太陽哥哥返黎，仲有明記同女朋友都黎緊！
健好似好鍾意我本結婚相簿咁喎，傾計時都攬到實一實！哈哈～～
睇打機時又係攬到實一實～～
子元ＢＢ係房訓得好冧，我地打完牌佢都未識醒，耐到佢呀爸呀媽都難以相信覺得奇！梗係啦，用我我冚過既被喎，仲私人開住冷氣服侍佢一個Ｂ喎～～
中途食飯，最就腳梗係樓下冬菇亭啦，方便飯後再戰麻！我地好醒咁六點就黎食，唔怕無位，早ｄ死完又可早ｄ返去玩，唔洗玩咁夜！
今餐我開始食返"人"既食物啦，不過主要都係個四碟素菜，好在非洲係食齋先叫左咁多菜，唔係我都唔敢點食～～
蠔仔粥，今日真係一ｄ意欲都冇，有陰影．．．休臂大口，清埋個粥！
食完飯返去，佢地打左陣牌，跟住想多ｄ人參與，我地就改開賭局，玩左魚蝦蟹、大細、２１點，每人輪住做三舖莊，好好玩呀！
沒有留言:
張貼留言