吉之島十蚊店原來好多野賣，仲好抵添，我都係上星期四去開樂富房屋處，經過吉之島先知；但媽咪同細妹一早知吉之島有十蚊店，仲話旺角創興個間仲大間添，點解我一ｄ都唔知既呢？睇黎我要好好學下點做一個慳家既師奶仔先得！
先睇返上星期我有咩收穫先，先有諾諾既遮仔，我買左藍色波點，咁平玩爛左都唔肉赤，到時再買其他顏色囉！
仲有好靚既環保袋仔，七月七日開始就要自備購物袋啦！
我好鍾意波點pattern，所以買左五個，自己三個，一個比呀May，一個比Elsa！
買左一對杯，查實唔係勁鍾意，個款只屬普通，不過諗住買定都好，一係我同太陽哥哥用，一係等有人客黎屋企時有用，因為屋企一隻多餘杯都冇呢！
四隻靚靚碟，上面個兩隻ｄ公仔勁得意，我好鍾意！下面個兩隻就純粹靚就買埋，反正屋企ｄ碟最好同size，方便存放麻！
左邊對鋸扒刀諗住係屋企candle night時用既，右邊個兩把刀係放係公司用既；一路都想買把刀放係公司，拿起手想切野時都有刀用麻，終於買到啦！粉紅色個把覺得好靚，所以買埋比Elsa，因為佢公司又係欠把生果刀！
以上個ｄ係上星期買既，以下個ｄ就係今日買既！又買？係呀，咁抵，梗係要介紹比太陽哥哥知，咩叫吉之島十蚊店啦，我地今次去旺角創興個間呢！
買左一套四色波點碗，我地屋企終於有碗用啦！呢個款其實仲有碟同杯架，碟仲係我之前買個四隻的size，橫掂岩size，心郁郁想買埋架，點知都冇齊四隻色，失望～～至於杯，因為個size偏細，似杯仔多ｄ，又唔太靚，所以都放棄左！
跟住買左ｄ掠衫用品，開始學買師奶野了！
呢個一睇就知咩黎啦～～
呢個我未見過，好似發現新大陸一樣，覺得係一個幾好既設計；因為有時ｄ用手洗既衫，唔可以一洗完就咁掠起，會"聚"到好長，呢個架簡直係救星呀！我見過ｄ好大個可打開既座地架，都係咁用，但覺得好阻"訂"，反而呢個細細地又可吊係廁所，好用好多呢！
呢兩個chip n dale掛衣架係禮物黎既，keep左兩三年，宜家有自己屋企，就可以拆佢地出黎用啦！Yeah～～
提埋今日我地去食Ｍ(學諾諾咁講)，我仲試左個士多啤梨KitKat麥旋風，賣相就差左ｄ，不過味道都幾好味架！
太陽哥哥玩野，整左支特長飲管比我，我地兩個好無聊咁影相！
沒有留言:
張貼留言