行到大約三點九我地就去攞車，本身諗住拜拜架啦，諗住叫表姐係觀塘／黃大仙沿途放低我地；點知上車傾開計媽咪話想買煲，傾傾下最後即興話不如跟表姐佢地返屋企，大家休息下訓下晏覺，跟住夜晚出去行街買煲同食飯！就係咁，我地就直駛大圍．．．
諾諾本應係車度會倦極訓覺，點知自己同自己玩好耐都未訓著，仲似乎好興奮呢，唔知係咪因為我坐係隔離呢？哈哈～～
我地係表姐屋企先各有各訓覺，堅訓架，呢個小休簡直係救命一覺，訓完成個人醒晒！訓醒後一齊玩諾諾，表姐比左件諗住送比人既裙仔諾諾試，諗住送比人前黎個紀念；呢條裙係BABY GAP，表姐好鍾意，可能諾諾唔係囡啦！
仲幫諾諾戴頭箍同帽！哈哈～～
跟住露膊、單跌膊、雙跌膊．．．變左 tub dress！wow, so sexy～～
諾諾有隻barney啦，我曾經上網搵過比佢，點知只搵到唱法文版；諾諾宜家個隻係英文版黎，同諾諾玩得多，呢首歌我都識唱呢！
表姐對面架車個車牌，幾特別喎！
跟住我地出發去荃灣廣場，因為個度有吉之島，應該好多煲款比媽咪揀！大家都肚餓啦，我地要即刻醫肚，去左越棧！先幫表姐一家三口影下全家福先，先有hea樣，跟住有呵呵姣笑樣＋驚訝樣，諾諾最攪笑！
睇下我地有咩食．．．
諾諾好為食咁望住碟菜，表姐夫就教佢跟我地做好味(叻)手勢：
諾諾只識 point，要佢豎起手指公只得兩秒時間！
又黎多碟餸，繼續學習做好味手勢！
呢碟拼盤真係好好味架！
嘩，飲咩咁大啖咁駁命啜呀？
原來係 yo baby，類似 yogurt milk 咁既味既！
好好味咁Yeah～～
I'm a strong man～～
跟住我地去左吉之島shopping，不過媽咪都係冇買到煲，因為冇佢心目中想要既十至十二公升煲！反而表姐睇中左張中童冷氣被買比諾諾，但有三款公仔，唔知邊款好，我地就叫諾諾埋黎揀，佢佢眼仔碌碌好認真咁揀緊喎．．．
are you sure you want the blue one？兩張都想要？哈哈～～
一齊睇下呢段揀被攪笑短片啦：
係吉之島買完野後，我就約左朋友去碌齡，不過冇影相，亦冇咩特別野要寫；我地呢年都好少約埋出黎打保齡了，以前真係每個星期／隔個星期都出黎，宜家少成咁．．．不過我都好少碌，之前幾次都試過齋睇唔玩，旨在去見下ｄ朋友仔同吹下水，碌齡興趣大減；咁耐冇打，今晚亦只join左一局，好差呀，只得98分，一百都唔過，真羞家！不過揀我個個真醒目，雖然我同太陽哥哥同一team，一係一齊win，一係一齊lose，點知總分都係我地team win，咁我地兩個都win左錢，打一局只係$23，抵呀！Yeah！
我個blog越來越多諾諾野，好似淨係寫同諾諾玩咁，自己出街或者同朋友玩都唔影相既，我怕就黎比人誤會諾諾係我個囝啦！
沒有留言:
張貼留言