2009-07-06 (Mon) 第35個月紀念日．紅煙窗自助餐

今日係同太陽哥哥既第35個月紀念日，之前既紀念日通常都係兩個人慶祝渡過，今次好特別，叫埋屋企人！其實都係即興，今朝先叫，原先諗住問下朋友仔，點知都冇人得閒，咪叫太陽爸媽囉，叫左佢地，又好似叫埋媽咪好ｄ喎．．．就係咁，就造就左今晚一齊食自助餐喇！威哥有野做黎唔到，真走寶；不過佢地都唔知今日其實係我同太陽哥哥的特別日子呢！

我地去左恆豐酒店既紅煙窗餐廳，揀呢度係之前見休同CW黎過，雖然唔係好grand既酒店，但用左coupon有七五折，為起只係二百六十幾蚊，其他咩優惠或者咩公司特有客戶都冇七五咁平咁抵食！呢個價錢已經有生蠔、長腳蟹、魚生刺身、movenpick & dreyer's 雪糕，我覺得淨係食呢幾樣己抵返個本呢！

原價連加一要三百五十蚊位呢～～

海鮮：

燒物ｄ款式都唔cheap呢！

霜降牛肉個名好勁咁，似炒肥牛，我見太陽哥哥食左三四份呢！

燒牛肉我本身好鍾意架～～

壽司＆甜品：

不能錯過既 movenpick & dreyer's 雪糕：

先食頭盤：

生蠔係全檯人食得最多既食物：

其他熱食：

影相時間，ｄ長腳蟹好大隻架！

睇太陽哥哥食得幾滋味，佢唔食生蠔，所以長腳蟹係佢主攻既食物，食左好多好多隻呢！

雖然呢度唔grand，但在座眾人都覺得呢個價錢抵食呢！我同太陽哥哥都係咁話，真係平時唔知食咩時，隨時黎都得，呢度真係一個不錯既選擇！

我同細妹今日係冇夾定下撞衫，唔通真係姊妹情深？

太陽媽媽主動話要兩個媽咪影返張喎！

琪琪係全晚蠔王，一共食左十一隻！仲同相機cheers添～～

movenpick 有四隻味：朱古力、椰子、雲尼拉、士多啤梨；dreyer's有石板街＆曲奇！ 除左雲尼拉同士多啤梨我一向唔食外，其餘我都食晒！dreyer's個兩隻味exactly係我平時最鍾意既添，好岩我口味，好正呀！

我地用雪糕杯裝雪糕，琪琪就用個碗黎裝，一埋位引到大家哈哈大笑！

太陽爸爸都好攪野，全晚好high咁，唔知係咪飲左酒既關係呢？因為我地足六位，送左支紅酒，佢飲到塊面紅晒呢！佢食到尾又食返麵包，由頭黎過，一拎野埋黎仲舉高隻碟，叫我地估下佢拎左咩食喎，好頂癮！最攪笑係佢今晚成日聽錯野，我地講"溫泉蛋"，佢聽錯做"安全蛋"，笑到我地收唔到聲！飲到紅卜卜，太陽哥哥問佢一陣行唔行到路，佢就問："咩萬寶路"？笑爆咀～～

今日呢個紀念日，我過得好開心，有最親既屋企人一齊渡過，好有意思呢！