平時星期日返教會，我只會參加信仰研集班，崇拜我九成九都唔會參加，開始返教會呢個習慣，已開始左兩個半月．．．唔返崇拜，係因為覺得實在太悶，同埋題目未必岩我，試過幾次都係唔得；雖然我好鍾意唱詩歌環節，可惜又唔可以唱完詩歌就走，威哥話太唔尊重喎；今日有兩件開心事，一係琪琪都一齊返，二係威哥三福畢業！
琪琪原本尋晚話左食完飯會走架，仲係好認真個隻，我叫佢留低，聽日一齊去慶祝威哥畢業，佢真係好認真話要走，因為聽日有野做喎，話頂多下次留低．．．尋晚晚飯後佢過左去隔離屋，睇下我同太陽哥哥間屋係咩樣喎；臨過去前，我走入媽咪間房，同媽咪講，又話琪琪會留低，都唔係既，您個耶穌都唔得既．．．
跟住係個邊，佢又問我睇結婚相，我又比隻結婚MV佢睇，跟住傾計，其實係佢係咁講野，不知不覺講到．．．十二點半！尾班車都冇啦，但佢冇驚訝，個樣亦無咩所謂咁，怪～～明明之前好insist話唔留低架麻．．．今日同返媽咪講，媽咪話我知，我尋晚咁同佢講完，佢就祈禱，點知琪琪轉軚留低左！究竟係咁岩定係真係咁堅呢？
不過媽咪一向鍾意一家人一齊，所以佢最開心啦！今日我地一齊返教會，琪琪跟我感覺一樣啦，信仰研集班幾好玩，但崇拜真係好難頂；加上個題目係講教會，唔岩我地聽，悶．．．咁悶我都冇咩信心再令琪琪去呢！
崇拜後就係名為"三福佈道訓練畢業典禮"，威哥係其中一份子，由牧師頒獎：
今日既章程都有呢個消息：
大合照：
三福訓練的分享冊：
牧師的話，中間提到的應該係講緊我地，哈哈～～
威哥的個人分享，佢既文筆原來唔錯架！睇唔出．．．勁～～
夜晚同太陽哥哥出左去旺角，睇定結婚戒指既款，同埋睇LCD TV；結婚戒指款式好多呀，但暫時未搵到對好滿意既，此行知道有足夠時間，睇多兩三個星期都可以；我地既視線就即刻飛左去LCD TV度，睇左好多款同幾間舖頭，攰～～初步都有左心水，竟然越揀越多功能，好似想要埋usb插咭睇movie檔、buttons要觸碰模式、TV上網、唔知咩咩科技黑瑩幕(類似plasma咁黑d畫面咁)、TV上網．．．越多功能就越新series，越新series就越貴．．．好在後尾我地都係放棄40"，怕距離唔夠會睇到眼花同頭暈，諗住要返37"，咁同之前的預算都唔係差好多啫！
因為TV會有暗價，即唔係淨睇listed price，ｄsales通常會問您：岩比d折您丫．．．要花好多口水＋時間同sales角力；後尾問到fortress個朋友，去佢度買係最平的暗價再九五折，咁一於gogogo啦！不過要月中先得，唯有等多幾日，希望下個weekend就有新電視睇啦！
行完街後，再去買定明晚飛睇城城"殺人犯"，跟住去醫肚，去左食pepper lunch！
我地揀左呢兩款：
個飯一齊炒，我次次都覺得食到好熱氣呢！
最貴的特選肉眼牛扒，我已經燒得唔太熟，但肉質麻麻，好"諧"咁，都係霜降牛好味ｄ！
沒有留言:
張貼留言