2009-07-11 (Sat) 心思心意郵票．屋企食大餐

以下呢套心思心意郵票靚唔靚呢？

[發行日期︰2009-06-25] “心思心意”特別郵票

香港郵政發行第四輯「心思心意」郵票，沿用「愛與關懷」和「紀念誌慶」兩個主題，傳遞關切之情，表達祝頌之意。 新一輯「心思心意」郵票的設計風格，與二○○七年發行的第三輯郵票彼此呼應，同樣以五彩繽紛的戟絨拼貼成畫，展現中西文化相異而又共融的妙趣。

中國舞獅鑼鼓喧天，喜氣洋洋，西式派對熱鬧歡愉，樂也融融，點出「紀念誌慶」。

大地百花吐艷，暖暖人間，蝴蝶儷影成雙，翩翩飛舞，盡見「愛與關懷」。

「心思心意」郵票印上「本地郵資」或「空郵郵資」字樣代替面值。「本地郵資」郵票適用於投寄重量不超過30克的本地郵件（現時郵費港幣一元四角），「空郵郵資」郵票則適用於投寄往世界各地而重量不超過20克的空郵郵件（現時郵費港幣三元）。

 以「紀念誌慶」和「愛與關懷」為題的「心思心意」郵票，為生辰、祝捷慶功、周年紀念、婚嫁、彌月等珍貴時刻加添喜悅歡樂。 郵品包括郵票、版票、套摺、小版張及已蓋銷首日封(只限於發行首日在各間集郵局發售)。

其實尋日瀏覽香港郵政網頁先知出左套咁靚既郵票，仲係六月廿五號已發行；我好鍾意呢ｄstyle既郵票架，因為我每年都要寄好多張聖誕咭，所以即刻打去問，問左幾個hotline，包括香港郵政同集郵熱線，仲有打去個別郵局問．．．攪左成半個鐘，查黎查去，終於搵到荃灣郵政局仲有呀！但尋日五點冇可能去到啦，所以今朝一早碌出去買！

一共買左兩款本地郵資各一百，兩款海外郵資各十五；勁開心＋勁滿足！

尋晚搵人今朝陪我出去買郵票，點知媽咪同威哥都話唔得閒，諗住弧身上路架啦；點知今朝媽咪又過黎叫我起身，話陪我一齊去喎，條件係快ｄ快ｄ，所以佢八點就過左黎我個邊屋摷醒我呀，我尋晚睇碟睇到好夜，仲好眼訓呀．．．都唔知是福還是禍！

媽咪咁有心陪我，我都識做請佢食早餐既；我地係荃灣食左個好抵食既早餐，一客要腩肉，一客要豬軟骨，然後再share餸！

媽咪今日咁忙，其實係預備今晚整大餐；淨係呢煲豬肚湯已經好多功夫要做！

自製開邊蒜蓉蝦（蒸前蒸後），呢個餸係我全晚最鍾意既！

百年陳皮蒸泥鯭（蒸前蒸後），ｄ陳皮係婆婆年代剩低架啦，我地有時叫呢ｄ陳皮做"千年陳皮"架！哈哈～～

白灼海螺：

仲有雞同菜：

掛住食，開餐時唔記得影相，失敗～～飯後我地玩大富翁啤牌，媽咪的自製梅酒係飯後飲品！

太陽哥哥未玩過大富翁啤牌，所以我地教佢玩，玩左兩舖，竟然兩舖我都係大贏家，仲係贏到好勁個隻！最大個圈就係我ｄ地，上面左起：琪琪、太陽哥哥、威哥，係咪差得好遠呢？哈哈哈哈～～Yeah!!