今日夜晚因為約左太陽哥哥ｄ朋友八點係新城市廣場食飯＋睇戲，中間有段時間，即刻諗起爭取時間見下諾諾！原本諗住去諾諾屋企玩下，但諾諾平日都需要出街消耗下體力咁，我地就決定去新城市廣場shopping同去library喇！
經過snoopy land，我同諾諾未一齊去過，就入去行個圈同影下相！諾諾好似黎慣咁，一見snoopy就叫dog，但表姐話從黎冇教過佢snoopy係狗黎架，咁點解佢會知snoopy係dog呢？攪笑～～
諾諾同snoopy好friend咁，一行埋去就搭住snoopy，仲企定定比我地影相！
同恩恩一齊影～～
影完呢張好攪笑，諾諾落唔到黎，同我地講"地地"求救～～
之後我地去好益智既地方 - 圖書館！
睇諾諾睇書睇得幾認真～～
仲係度數貓貓，雖然諾諾識得數one-ten in english，但佢似乎仲未學識數野，數多左好多隻貓貓呢！哈哈～～
自己去揀書書～～
讀書習慣真係要從小就培養小朋友，諾諾真係好鍾意read books呢！
兒意圖書館個background有幅好colourful既圖畫，諾諾好鍾意係個台度行黎行去！
我地之後仲一齊睇首飾呀，我應該係第一個諾諾帶去睇首飾既女仔啦！哈哈～～
之後等太陽哥哥、呀仔、Hazel 黎到，我地就去麻布茶房食晚飯！
太陽哥哥的茶房風咖啡牛柳蛋包飯[$66.8]：
我的芝士炸雞咖啡飯[$68.8]：
Hazel 的自家製香菇紅酒汁焗芝士漢堡[$73.8]，加燒鮭魚飯團[$29.8]，：
呀仔同太陽哥哥一樣，食咖啡牛柳蛋包飯，不過佢食完我先記得影佢，哈哈！
Hazel 笑住咁睇我地既結婚相：
兩公婆好夾呀～～
今晚睇既戲係變形金剛２，咁遲先睇係因為一開始，太陽哥哥諗住去Megabox IMAX睇架，貪個度個超大瑩幕，可惜上網check住都成日full，下星期仲轉做harry potter，冇計之下唯有去返普通戲院睇．．．
變形金剛２好似好多睇過既人咁講，全場好緊張刺激，冇悶場，但個人好似覺得變形金剛１好睇ｄ；不過差唔多啦，各有各的爆笑場面，有ｄ對白真係好攪笑！而個女主角唔洗講，好多人話佢索爆，都真係幾索呢！
而尾段男主角叫佢爸爸let him go個幕，我自己覺得好感人，眼濕濕；因為呢幕對應返開場有幕，講男主角媽媽唔捨得個囝離開屋企讀大學，仲當男主角係小朋友咁，拎住佢細個ｄ玩具呀、鞋仔呀咁係度喊苦喊忽．．．但尾段呢幕，關乎生死，到爸爸唔比個囝去．．．男主角好認真咁對爸爸講：let me go dad ! you SHOULD let me go one day!! 兩父子的眼神交流好勁呀，內心好多說話，但其實盡在不言中．．．我相信無論幾多歲都好，父母總係當佢既囝囡係小朋友，呢樣野係真既，但囝囡長大，有一日真係會離開父母自立、甚至結婚生仔．．．感慨＋ｉｎｇ～～
沒有留言:
張貼留言