今日發燒到38.8度都唔知，即時被醫生捉左去打針＋吊鹽水，吊左一個鐘！
冇帶相機，睇醫生又點會帶呢？好在都有手機，用手機影左幾張resolution唔太好既相！
其實事緣係咁既：尋日放假，食野又唔定時，其實我都唔想架，只因太多野做，行程太緊密；九點幾食早餐，冇問題，問題係出左係午餐度，成四點先食．．．食完開始feel到少少胃痛同開始"ur"，"ur"一ｄ我都唔出奇，因為我一唔準時食野就會咁，跟住無論點都冇用，個日就會係"ur"到訓覺為止，第二朝就冇事．．．
不過今次有少少唔同，"ur"得黎帶點痛，到夜晚仲係一種陣痛感覺，臨訓前仲瀉左次．．．
到今日，起身仍有少少唔舒服，亦瀉左一次；不過費事尋日放假今日就病假，所以繼續返工，諗住過陣冇事，因為一向都係"ur"完無晒氣就冇事．．．點知成個朝早都係咁"ur"，又係帶點痛，有點攰，唔想講野，無心機，仲覺得有點凍，仲熄左公司冷氣．．．
"ur"帶痛係我最擔心，驚個胃係咪有事，lunch時check下平時個醫生下晝有冇位，點知有，註定都係要睇啦！
lunch冇食野，跟本漲到食唔到野，連飲水都唔多想，就訓左足足一個鐘；訓醒睇醫生，烈日當空行去clinic，一ｄ都唔熱，一滴汗都冇出，反而覺得好暖好舒服．．．
去到冇探熱，因為覺得冇必要，跟住入房見醫生，醫生問晒問題後，check到我心跳有百二，估我發燒，用佢個探耳機幫我check，38.8！我一路覺得胃有事，原來瀉先係主因，醫生話應該係前晚的蠔仔粥，我發冷唔覺得熱，係發燒前的徵狀．．．
跟住醫生即刻比左兩粒藥我啪，同埋幫我打左支針，叫我吊鹽水，訓一個鐘先走，仲要即刻返屋企唔好再返工．．．吊完鹽水，體溫去返37.2，勁！不過我最終都係係office等收工先走，因為搭職巴返屋企爽好多麻！原本今晚放工要去wedding expo都要取消，好在搵到BEN幫我地買餅咭咋！
呢個weekend醫生話要休息，唔好去人來地方，仲要唔好食咁多野喎，等ｄ腸胃休息下，佢仲話痾多ｄ都好，等ｄ菌痾晒出黎！
我冇咳冇喉嚨痛冇鼻水，唔係H1N1，唔洗擔心～～
沒有留言:
張貼留言