2008的聖誕太陽哥哥送了我兩份禮物：
登、登、登、登！
又靚又可愛的米奇電單車呀，太陽哥哥成日都唔贊成我買電單車，就送架玩具比我滿足下囉；雖然唔係真車，但我好鍾意呀，因為真係好鬼靚，咁細架個手掣都拎到左右架，勁！
Tiffany 心型戒指，唔洗講，當然甜到入晒心啦！
都係純銀野，但點解多個 Tiffany字仔就會貴咁多既呢？雖然晒錢，但講真丫，係女仔都鍾意鑽石呀Tiffany架啦，嘻嘻~~
仲有聖誕裝飾，今年以浪漫心心為主題，可能知我鍾意心型啦，嘻嘻~~
一串串垂直個ｄ閃燈係今年新加既，上面打橫彩色個ｄ係上年架啦，哈哈！不過拼埋一齊又真係幾靚！
威哥收到利是後回禮比我，買了隻chip n dale杯送比我，但我實在用唔著，屋企有指定family mug用緊，公司我又用開高身超大杯(唔洗裝咁多次水麻)．．．最後走去換貨，原本想要晒兩隻大萬字夾，但另外一隻又冇貨；咁諗住要細夾啦，但chip n dale個款超肉酸，對眼一pet黑色咁，太陽哥哥仲形容為好似盲眼一樣，哈哈！最後揀左Marie！
今個聖誕假期睇左三套戲：葉問、吸血新世紀、魔法童話夜；三套唔同片種，但都幾好睇！係魔法童話夜期望過高以致有ｄ悶場，因為之前製作的魔幻奇緣超正麻，不過都有好多笑料，有ｄ我仲笑得好大聲呢！
沒有留言:
張貼留言