上個禮拜Jimmy突然問我平時可唔可以十二點lunch，我咁flexible，當然冇咩問題啦，拎time off咋麻，哈哈！原來佢想帶我同Yammy去大尾篤食lunch呀，我地黎左呢間叫Luca既意大利餐廳！
食lunch走到去大尾篤，我都係第一次！一黎到就好有渡假feel，無論環境、天氣，懶洋洋咁，好舒服好寫意，唔想下晝返工呢！
搵唔搵到Jimmy同Yammy呢？嘻嘻~~
咁既環境同天色，您地話係咪好想繼續放假而唔洗返工呢？
諗住意大利餐廳會好貴，又唔係喎，Jimmy話lunch唔貴，六十蚊有找就有個set lunch，簡直係低消費高享受呀，一流！
不過我想食牛但今日冇呀，似乎要逢一三五先有，我仲話下次要揀一三五再黎過呢！低消費高享受喎，黎多幾次又何妨呢？嘻嘻~~
呢個壺幾特別，一邊係橄欖油一邊係醋，兩條管道係個壺入面混為一體呢！
麵包好鬆軟，我掛住周圍影相個湯都凍了，不過都好味，唔知係咪肚餓加環境正刺激食慾呢！
Jimmy的什扒：
Yammy的香煎鴨胸：
我的炭燒排骨：
回程時經過海灘，影低呢個海邊美景先！真係好舒服呀，好想快ｄ再黎，突然間好想有架車呀．．．！
突然有個UPSET車牌閃過，即刻叫Jimmy追佢，因為我要影相，Jimmy-san當然好合作啦！個車主又會改過咁既名做車牌既？不過又真係幾攪笑喎！
沒有留言:
張貼留言