天氣咁凍，唔知大家有冇發覺，朝早食完個麵包都好似仲係差咁ｄ野，唔夠飽咁呢？除左咁不特止，我仲成日口痕，唔知係咪天氣凍的關係，個口成日想o趙野，所以呢排已清晒公司ｄ零食！
尋日行開超市，望到杯麵減價做緊六蚊個，比著以前，六蚊個都仍然覺得貴；但我突然一諗，美心宜家ｄ麵包都要六七蚊個，朝朝食完又唔夠飽，咁杯麵先係六蚊個，又多ｄ份量又可熱辣辣，用黎做早餐好過食麵包喎！
於是決定以杯麵做早餐，六蚊六蚊就．．．買左接近十個；一個人黎講，算幾多啦！另外又買下ｄ叮叮意粉咁啦．．．零食都要添置，買下買下就買左咁多啦！
呢度未係全部，因為送左兩個杯麵同一盒麥提莎比太陽哥哥；佢真係丫，買時打比佢問佢要唔要，諗住掃埋貨比佢，佢又話唔要喎；點知返黎聽完我既杯麵同麵包理論，見住我ｄ戰利品又笑騎騎拎住問我：Can I .......？哈哈！
諗住只係買一百蚊野，點知埋單時接近二百蚊，條數又會突左咁多既．．．睇黎我距離做師奶仲有一段距離呢，哈哈！
第二日返 PT 時 Elsa 送了盒朱古力比我，原來佢唔知之前我成日都買呢隻brand黎食架，我仲話佢知我做手術時 Yammy 仲送過盒鐵罐裝比我添呢！
Elsa ：就係呢罐啦，一罐有晒兩隻味架！Yammy 好早就知我鐘意食啦，原來您又鐘意食既！
放工經過零食物語見到近期鐘愛的 Jagabee 又減價，用埋會員價買只係$23 三盒，好抵呀！
呢個仲係聖誕 packing，電話繩隻公仔仲唔同之前個款呢！
沒有留言:
張貼留言