今日等埋太陽哥哥放工後，就趕上深圳，主要係同raymond食飯聚聚，因為真係好耐冇見啦！今次raymond帶我地去"巴蜀風"，佢話仲好味過毛家飯店呢！
餐廳外面成個堡壘咁，好型呀！
入面有幾層，傢俱全係木造，成個樹林一樣！
中間有個大窿，上下層相連，我地要求坐"窗口位"，咁就可以望下層的"景色"啦！
呢度好講究調味，成張檯放滿調味料同醬油，任君選擇！
餐具上全都印上 "深圳人的川菜生活"！
豬腳湯：
巴蜀老坛子 [$28]：
蒜蓉紅菜苔：
宮爆雞丁 [$26]：
口水雞 [$28]：
綉球豆腐 [$28]：
呢度食物真係唔錯，價錢亦好抵食，可能偏偏地鬧市，唔係咁多香港人識，所以價錢亦係同胞價，不得不認同，毛家飯店好多香港人識，較為出名，價錢都偏貴了！巴蜀風網址：http://www.bsf.cn/index1.htm
今日係過冬，估唔到我地唔係同屋企人過，而係走左上深圳搵raymond食飯慶聖誕賀新年，太陽哥哥仲親手送上聖誕咭呢！不過真係好耐冇見，其實我都好掛住佢呢！
走時見到大門口有侍應係度整緊麥芽糖花，唔知係咪咁叫．．．但佢好勁，連單車都整到！
跟住返東門行街，難得上黎，梗係睇下有冇平野買啦，我搵到香港冇既Andox絕版產品！
標籤上仲有Andox小檔案呢，好攪鬼！
好鍾意去旅行的我，已好耐冇去旅行了，今日上深圳，我開心到有如去旅行一樣，話晒都過左香港關口麻！行街時有如大小姐一樣，我入舖頭揀，兩個男人就係門口守候(其實係我叫佢地係出面傾計等我既)，必要時就入黎幫我講價，收穫唔錯，好開心呀！我地諗住每個月上深圳一次，見下raymond同行下街，一舉兩得！
沒有留言:
張貼留言