今日係2008年12月1日，係我人生一個蠻重要的日子，因為十年前的12月1日，係我第一日踏入中大呢個大家庭，所以今日，就係我加入中大十週年既日子啦！時間真係過得好快，令我有ｄ感慨呢，咁就十個年頭，仲要係佔左我暫時人生的三分一時間呢！
雖然對中大冇咩歸屬感，但一個人係一個環境做左十年，點都有佢當中的意義同感情既！對中大可以講係又愛又恨：愛，係佢既穩定工作環境同時間，仲有好好的福利，包括假期、收入、醫療、公積金等等；由今日開始，我將會增加到有三十日年假喇，人工就暫時繼續每年跳point，直至頂點為止，公積金就我儲5%佢儲15%，真係好好架，出面實搵唔到！至於恨，最大問題係人事變遷喇，好同事可遇不可求，我係度做到咁耐，當然都希望有一班戰友陪我一齊打仗啦，但奈何，合約制員工係中大的福利只屬非常一般，所以office的turnover真係好高，尤其呢幾年，真係睇住好多好同事走；而管理層就好怪，每個員工走，一定會對公司有影響，但佢地對呢方面的應變措施，真係超差呀，諗起就令人激氣！
今日咁特別，yammy叫我出去食飯，咁我就叫埋同我有返咁上下年資既同事一齊去食，話晒佢地睇住我由細個女變做大個女架麻，其實係最唔想做席上最老個個啫，哈哈！
我地去左UC麥生個飯堂，只係數位同事加幾味點心餸菜，但我鐘意這樣的飯局多過好多人的應酬飯局，因為席上都係我喜愛而佢地又愛錫我既同事！
沒有留言:
張貼留言