今日全日個肚都長期處於超脹同勁飽既狀態，因為一日有兩個Christmas Party，一個係Prof. Cheung屋企，一個係Faculty的Christmas Party！
Lunch時間先去Prof. Cheung屋企的Christmas Party，其實上年都有黎呀，一向都知Prof. Cheung屋企多M&M，舊年我都影左好多架啦，不過大家仍可比較佢有咩唔同；先係呢棵聖誕樹，一見到就覺得sharp過上年，因為今年的M&M係一串串好似窗簾咁，好型呢！
客房的架上多個幾隻M&M新擺設，因為我地今年早左到，唔洗咁快應酬學生住，可以慢慢欣賞，發覺有ｄ舊擺設其實我上年都miss左呢！
客廳的另一棵聖誕樹，其實上年都有架，但上年掛住周屋睇M&M，忽略左呢個pork chop系列原來係咁cutie既，因為每隻pork chop都係seasonal，兼且已經絕晒版買唔到架啦！好似有萬聖節版、畢業版、聖誕節版、復活節版、我愛您版等等！
我最鍾意係呢兩隻聖誕版同復活節版，尤其是隻復活節版，我叫佢做BB，可能佢著住的衫仔好BB feel，我係咁同佢影相，仲拆埋出黎楂住影添，Prof. Cheung仲笑我咁快有母愛！
其實鍾意呢兩款係佢地都有個共通點，大家留唔留意到呢？就係佢地都有著鞋仔架，真係勁可愛呀！
食野時間，連M&M都係其中一道菜式，仲有M&M碟！
今年ｄ食物好正呀，多到二十個人都食唔晒！
最後梗係要影大合照啦！
到下午茶時間就係Faculty的Christmas Party，今年加插左BINGO遊戲，Yammy好幸運地第一個得獎；但成個遊戲都唔太好玩，可能禮物太細份了，只係三粒金莎朱古力．．．
周圍到同事影下相先：
今天真係好"咋"呀，平時試過有一百份抽獎禮物，今年竟然只得二十多份，應該係我係度做左咁多年最少的一次了！我成個office十幾個人都冇一個中，失望透了，都係影多幾張合照好過！
呢兩個Christmas Party其實都係一年一度，只係今年咁岩攪正係同一日，我舊年都有記低架，大家有興趣可比較下：
2007 Prof. Cheung's Home Christmas Party & 2007 Faculty Christmas Party
連 2006 Faculty Christmas Party 都有記低呢，咁就橫誇左三年的Christmas Party，大家可睇下我有咩轉變呢，blog真係一個好有用的回憶呀！
沒有留言:
張貼留言