成個聖誕假期總要陪屋企人食餐飯吧，如往年一樣，由於晚上要去陸伉儷屋企開瘋狂派對，先跟媽咪威哥食飯先，我地揀左剛搬了新址的"金潮小廚"！
琪琪今年帶了幾位朋友一齊參加，所以我地就一齊食晚飯，人多食中菜仲好，可以叫多幾味菜！
叫了八道菜：帶子流沙賽磅蟹(好味!!)、生魚皮、咕嚕肉、椒鹽鮮魷(好味!!)、沙拉骨(好味!!)、黃金蝦(差左!!)、上湯豆苗(唔記得影!!)、魚腩煲(唔記得影!!)！
走時琪琪話要影商場的聖誕裝飾，仲要扮最左邊隻鹿喎，大家覺得扮得似唔似呢？哈哈！
我係斯文人，當然正經好多啦！
呢餐晚飯我亦特別準備左個驚喜比威哥，其實每年的聖誕同生日，我都會預左比利是或者禮物呢個仲係求學階段既細佬既，當然利是就最實際啦，今日晏晝係太陽哥哥屋企無聊無野做，於是就．．．
先好好善用Prof. Cheung 送的朱古力紙盒，寫了一張字條，其實係同威哥講因為金融海嘯，家姐損晒手冇晒錢啦，物輕情意重，寫上真心的祝福說話遠比禮物來得珍貴．．．我一路寫都忍唔住笑，因為實在好鬼誇，哈哈！
紙盒cover底其實藏了一張五百元紙幣，睇下佢會唔會發現啦，嘻嘻~~
原本只諗住用個大盒裝張紙條仔扮大禮物就算，點知靈機一觸，環顧四周，諗下有咩可放埋入去，於是．．．拎了太陽哥哥屋企的食物同零食，我連手袋裡的朱古力都拎埋出黎呢，諗住做戲啫，玩完會拎返，哈哈！
跟住包返好，我一路包一路狂笑，因為放埋個林柿真係笑爆咀呀，諗起威哥到時打開後係咩反應就好好笑，哈哈哈哈！
扮晒朱古力禮物，真係估佢唔到入面原來有ｄ咁既野吧！
拆禮物時刻，請留意威哥一百八十度轉變的笑容！
真係好攪笑好開心，一家人就係想咁咋麻，所以話呢，生活一定要有情趣，無論對邊個都好，耐唔耐都要攪下新意思！
沒有留言:
張貼留言