2008-12-08 (Mon) 2008的第一個聖誕餐

2008的第一個聖誕餐，獻左比同事們！

公司早前收到某書院攪的聖誕火雞午餐單張，同事們提議一齊去食，其實我麻麻架，見個menu好似 party menu 咁，我媽咪都煮到，冇咩特別，又唔太抵食咁；但費事好似成日唔合群咁，加上都有close的同事去，所以最後都參加左！

我地係 10 號檯，難得 Yammy 同 May 都肯陪我拎住個 table stand 影相，嘻嘻~~

我既抽獎券係11同 21，但ｄ禮物係極普通，冇期待要抽到．．．

聖誕老人會過黎同每張檯合照架，仲有糖果派，我最鐘意反而係ｄ糖果，拎左幾粒，放係公司食麻，嘻嘻~~

上星期五係 Diana last day，都未有機會同佢影相同farewell，早前佢都報左名今日同我地食呢餐，各同事都好似suppose今日同佢farewell返咁！

食物相片分享：

所謂火雞，只係切左幾片放係炒飯上面，超奇怪呀，飯後同事們都覺得呢餐被厄左咁，非常縮水，我都覺得係；第一餐聖誕大餐竟然有不愉快經歷，不過都有開心既地方既，就係聖誕老人派ｄ糖果，同埋有Yammy & May坐係隔離囉，我先食得咁開心咋！