識我的朋友都應該知Royce隻Crunch係我的最愛，除左Crunch choco，其實都試過好幾款既，至於呢隻Potatochip choco，記得幾年前有個女老闆請過我地食架，但印象又甜唔好食，一路都冇再食過，更加唔會花錢買啦！
點知最近yammy出trip去美國經日本，買左兩盒返公司做手信喎，我一食之下就愛上左呀！但點解幾年前又會咁唔欣賞既呢？我估．．．係人的問題吧，因為當年的女老闆好衰架，我最唔鐘意佢，對佢一ｄ好感都冇，唔知係咪因為咁呢！Anyway，宜家要宣佈，Potatochip choco宜家係我的第二最愛啦！
好快，太陽哥哥買左一盒送比我．．．嘻嘻！
未食前，會覺得薯片mix朱古力，好怪喎！但食落，當中的亦咸亦甜好夾，一ｄ都唔怪，仲好好食添！講真，唔好食就唔會出名咁多年啦！
包裝盒入面的小簡介，似乎日本有更大盒的gift size喎！
另外，今日放工後的重要任務係．．．拎聖誕咭！因為好多外國地方下個星期截郵啦，要拿拿林寫完寄，唔係就好似舊年咁過左聖誕先收到啦！汲取左上年的教訓，今年太陽哥哥係我既強烈鞭策及督察下，早左設計好今年張聖誕咭，亦較岩時間印刷，所以各住朋友仔：請放心，今年的聖誕咭，無論香港或海外，都一定係聖誕前收到！
我都係第一次跟埋太陽哥哥黎拎貨，佢今年搵左e-print呀，賣晒廣告個間，原來真係最抵架啦！
ｄ貨都幾重，一大包聖誕咭，仲有年曆咭呢；為了保持神秘感，相片不能公開住，大家比少少耐性等多兩三個星期啦！有咩要求，比如要邊款郵票呀，又想要多張年曆咭咁，記得早ｄ通知我呀！
拎完聖誕咭就去最近的APM醫肚，心郁郁又想食譚仔記架，不過都係試下新野啦！
見到foodcourt間peper lunch勁多人，又好香，一於order！叫左個霜降牛肉，menu中最貴既．．．真係一分錢一分貨，超好味，so good！
另外，見到有人食緊類似叻沙既物體，我又流晒口水，點知叫錯左，始終咁多間舖頭又咁多款式；我叫個碗都唔似叻沙既，又唔辣，得個酸字，not good！
沒有留言:
張貼留言