2007-04-21 吊靴鬼

大家有冇見過真正既吊靴鬼？今日我就遇到一隻！

話說太陽哥哥今日碌齡勁到好似食左弗得咁，有turkey兼且尾局"立盡"，亦即"盡拎所有分數"，有人仲話懷疑佢食左禁藥，要捉佢去驗尿添呢！哈哈！

咁好既分數，梗係要影低美麗的一頁啦，係我地影緊相之際，有隻吊靴鬼係咁黏住我地，第一張冇計，被迫就範，點知第二張佢偷偷地係我後面攝出黎，第三張仲係遠處對住鏡頭攞pose添！真係揮極都揮唔甩，避極都避唔到！大家話攪唔攪笑先？