今日細妹帶我去玩影飄浮相，但我地功力有限，最後只影到半飄浮/跳躍相；雖然係咁，但真係玩得好開心＋笑到肚痛！太陽哥哥遲左放工，只參與到最後幾張，但佢真係好有天份，笑到我同細妹趴晒地！哈哈～～
跳到好攰，影下景休息下先～～睇完來佬，我又想要架綿羊呀！
每個景點都有教點影，但我地跟跟下都冇再跟，求其影到似就算；因為好麻煩，set得黎都天光，加上要影相，都要主動見人影完就要行過去架！
太陽哥哥黎啦，即刻叫佢做model，我地係咁指導佢，佢又掂喎，只需跳一兩下就攪掂喎！笑到我同細妹趴晒地＋忍唔住要拍掌！哈哈～～頭兩張我地最鍾意：
Thanks 細妹帶我黎玩得咁開心！
細妹話呢個就飄浮始祖，佢ｄ相真係影得好堅：http://www.yowayowacamera.com/
沒有留言:
張貼留言