今日係我同太陽哥哥的拍拖五週年紀念日，我地去左銅鑼灣避風塘上漁船食海鮮！
就係幫襯呢間信記，以為開左幾十年，原來大半年咋！
約好左六點上船：
我地架船駛緊埋黎啦，係『信記８號』，好興奮呀！
上船啦～～
開船～～呢個時間黎真好，可享受晒日頭同夜晚，仲可以睇埋日落，win win win 呀！
睇下食咩先～～原本諗住食二人餐唔洗煩，但我地一向唔太鍾意食蟹，仲要係街度食到成手都係真係麻麻地，問可唔可以轉大瀨尿蝦又冇喎；所以最後決定散叫，不過就要比返三百蚊船租喇！
叫完野食就影相～～
大船就＝廚房啦，我地ｄ細船仔就係綁住呢架大船喇！
仲未開始煮野食，廚師們都好得閒，所以幫我地影左好幾張相；因為背光，佢就"琴"黎"琴"去咁唔同方向幫我地影，真好人！
開餐啦～～第一次咁食海鮮，真係好有風味呀！
日落啦～～
日落完就著左玫瑰七彩燈，變左一個浪漫的情調！
我地早黎，又係第一隻船，食飽時隔離ｄ船都仲食緊，已經有成五六隻船係我後面啦！仲有半個鐘先上岸，我地就繼續影下相同欣賞下夜景！
廚房：
好似一盞燈的紙巾盒：
咁特別的日子，梗係要自拍幾張做個紀念啦！
埋單又唔貴喎，仲抵過叫餐，就係冇左個蟹！我同太陽哥哥都好享受今晚餐飯，有機會一定再黎過，到時希望食到大瀨尿蝦啦！
駛回岸啦～～過左兩個鐘海上生活，又要返回現實世界，有點唔捨得添！
好地地的一張合照，可惜路人甲手陣．．．失望！
賣廣告＋扮代客泊車～～哈哈！
漫步海旁＋欣賞對岸尖沙咀的激光匯演～～
今晚真係好開心呀，第一次咁樣食海鮮法，好新奇好好玩，好多謝太陽哥哥帶我渡過左一個咁特別同難忘的晚上！期待下個月的結婚週年，又有藉口去大事慶祝一返！嘻嘻～～
沒有留言:
張貼留言