係美麗華玩完飄浮相，去行下韓國街，順道第一次揀間韓國餐廳食飯；上左開飯度睇左三間，最後揀左『秀韓國美食坊』；黎到門口已有幾個人等緊，間餐廳一眼望晒咁大，大約等左廿分鐘就有位啦！
跟開飯叫左三個好 hit 既餸：
免費前菜：
泡菜餃子好味呀！但都幾貴，$69 (8pcs) / $42 (4pcs)～～開頭怕唔好味所以只叫四隻，覺得好味後想叫多四隻，但佢話要收 $42x2，唔可以 $69 喎，咁就唔要啦！
芝士雞蛋卷～～入面有芝士漏出黎，賣相吸引，但食落好普通，冇咩特別．．．
年糕炆牛肋骨算係鎮店之寶，又係幾貴的一道菜，叫左兩舊已經要百五元；上菜時，侍應會用較剪分件及去骨；牛肋骨同蘿蔔都好入味，反而年糕一ｄ都唔好味，成道菜亦略甜；其實好似媽咪整的炆牛腩，我覺得媽咪整得仲好味啫！
今日都帶埋太陽媽媽一齊試新野！
跟住行去佐敦義順食甜品：
返兜韓國街的即沖粟米湯，好好味架！
沒有留言:
張貼留言