今日下午拎左少少 time off，約會Clement & Jayden！
先同佢地係guest house食飯，小日朗宜家好好玩啦，成日要draw人attention，又容易氹到佢笑喎！
小日朗識分好多身體部位啦：
最攪笑係佢成餐飯係咁餵我食佢跌到成檯都係的麵包碎囉，每餵完一啖仲自己拍手一次架！
繼續執緊ｄ碎，全餐飯我都好忙碌咁．．．被餵，不過我好enjoy！
飯後有段小插曲，就係諾諾突然留鼻血，仲係勁流個隻，好在guest house 近 clinic，即刻搵 Dr. Kwong幫手，最後先冇事咋！跟住表姐車Jayden返屋企，我就帶諾諾上音樂班，因為怕諾諾又突然留鼻血，所以坐係課室出面等佢落堂，唔敢去第二度呢！
落堂諾諾見到我地好開心喎～～
跟住我地去捐血，點知．．．表姐又捐唔到！已經係第二次捐唔到啦，上次ｄ血唔夠鈣／鐵，今次又因為尋晚食左頭痛藥所有唔可以捐呀，真係激死人！><
不過因為仲未係放工時間，捐血站無咩人，諾諾同表姐就係我身邊一直等我捐晒成包血；過程表姐做旁述，同諾諾講解成個損血過程，正所謂由細個學起麻，諾諾都聽得好投入！
捐完血有餅餅同野飲，亦係諾諾最開心的時間，佢望住個 high tea 餅乾開心到呢～～
今日係今年第二次捐血，咁就拎左定期損血章啦！
沒有留言:
張貼留言