2011-08-26 (Fri) 黑社會開片?!．竊聽風雲2

今日黑社會入左中大開片呀！

其實係一年一度各書院"互片"的盛事，原來每年都有架，只係我係度做左10+年今日至知．．．．可能之前冇係百萬大道返工啦；今日朝早已見到搭緊棚，跟住成個下午都 bing ling bumb lung，超嘈呀！

每書院都輪流出場，跟住係中間位置聚集，每黨各佔一方，再輪流吶喊，場面好犀利！

最攪笑係出動埋吊車，而係大廈頂樓仲見到有同事走左上去觀賞，勁！

係office窗睇住紅色的新亞黨出場，佢地既牌寫住『四院之尊 唯我獨尊』『四院之霸 唯我新亞』，好掂呀！跟住一路係斜路行落黎，好壯觀！

黃色的聯合黨整裝待發～～

跟住衝過黎啦～～好有氣勢！

 

出晒場就輪流吶喊口號等～～

返上office再影，仲唔似黑社會開片？！

夜晚同太陽哥哥睇竊聽風雲2～～

唔錯，好緊湊！內容好有鋪排，吳彥祖每一步的佈署都好周詳，每一個行動都完全諗定下一步，所以人都係佢估計之內，成個計劃都好全面！